पिंपरी  : महात्मा फुले नगर परिसरातील डॉ. डी. वाय. पाटील पब्लिक स्कूलने चालू वर्षाचे शुल्क भरा अन्यथा विद्यार्थ्यांना प्रवेश नाही, पाठ्यपुस्तके मिळणार नाहीत, असा पवित्रा घेतल्यामुळे पालकांनी आज (ता. 18) एकच गोंधळ घातला. 

ताज्या बातम्यांसाठी डाऊनलोड करा ई-सकाळचे ऍप    

शाळा परिसरात सकाळी साडेनऊ वाजल्यापासून सुमारे शंभर पालकांनी व्यवस्थापनाला जाब विचारण्यासाठी हजेरी लावली होती. पण त्यांची दखल कोणीच घेतली नाही. शाळा व्यवस्थापनेने पालकांना विश्वसात न घेता शुल्कवाढ केली  आहे. त्यामुळे मुलांना पाठ्यपुस्तके देखील दिली नाहीत. अगोदर फी भरा, अन्यथा विद्यार्थ्यांना प्रवेश नाही, पाठ्यपुस्तके देणार नसल्याचे शाळा व्यवस्थापनेने पवित्रा घेतल्यामुळे पालक शाळेत उपस्थित राहिले. 

दरम्यान,  शिक्षण विभागाचे तक्रार निवारण अधिकारी व पर्यवेक्षक विलास पाटील आणि प्रदीप शिंदे यांनी शाळेला भेट दिली. पालकांची बाजू समजून घेत, शाळेला शासन अध्यादेशानुसार  2019-20प्रमाणेच शुल्क आकारणे आवश्यक असल्याचे सांगितले. त्यामुळे पालकांचा गोंधळ आटोक्यात आला.

पिंपरी चिंचवडच्या बातम्या वाचण्यासाठी येथे ► क्लिक करा

पुण्याच्या बातम्या वाचण्यासाठी येथे ► क्लिक करा 

पालक अश्विनी सपकाळ म्हणाल्या, "लॉकडाउनमुळे  पालकांची आर्थिक परिस्थिती बिकट आहे. अशातच शाळेने सहकार्य करणे आवश्यक आहे. पण तसे न करता शुल्कवाढ केली आहे." मुख्याध्यापिका मृदुला महाजन यांच्याशी संपर्क केला असता, त्या उपलब्ध झाल्या नाहीत."