पिंपरी : राहटणीतील लक्ष्मी हाउसिंग येथे मांजाच्या दोऱ्यात 80 फुटांवर पोपट अडकून पडला होता. अग्निशमन दलाला परिसरातील नागरिकांनी माहिती दिल्यानंतर काही क्षणात पोपटाची सुटका करण्यात आली.

ताज्या बातम्यांसाठी डाऊनलोड करा ई-सकाळचे ऍप   

मंगळवारी (ता.७) सकाळी 10.30 वाजता ही घटना घडली. राहटणी व पिंपरी अग्निशमन दलाच्या जवानांनी मिळून पोपटाला वाचवले. 54 मीटर हायड्रोलिक प्लॅटफॉर्मच्या साहाय्याने जवानांनी पोपटाला खाली घेतले. त्यांनतर त्याला पाणी पाजले. पोपटाच्या वेदनेने परिसरातील नागरिकही हळहळ व्यक्त करत होते. सुदैवाने गळ्याभोवती मांजा न आवळल्याने पोपटाचे प्राण वाचले. एम. ए. कुंभार ही प्राणी प्रेमी महिलाही पोपटाचे प्राण वाचविण्यासाठी धावून आली. 

पुण्याच्या बातम्या वाचण्यासाठी येथे ► क्लिक करा

अमोल चिपळूणकर, मयूर कुंभार, मुकेश बर्वे, रुपेश जाधव, विक्रम कदम या जवानांनी ही मोहिम फत्ते केली. नागरिकांनी कृपया प्राणी किंवा पक्षी अडकल्यास अग्निशमन दलाला कळवावे. पक्ष्यांचा मुक्त संचार व्हावा, यासाठी मांजाचा वापर करू नये तो टाळावा, असे अग्निशमन दलाचे अधिकारी किरण गावडे यांनी सांगितले.

पिंपरी-चिंचवडच्या बातम्या वाचण्यासाठी येथे ► क्लिक करा