पिंपरी : कोरोना संसर्ग पिंपरी-चिंचवड शहरातील झोपडपट्टीत पोहचला आहे. प्रशासनाने आक्रमक पावले उचलली आहेत. वसाहतीत प्रवेश करण्यासाठीचे सर्व मार्ग लोखंडी पत्रे, बांबू लावून बंद केले आहेत. बाहेरील नागरिकांना आत प्रवेश नाही आणि आतील माणसे बाहेर जाऊ शकत नाहीत. पण, हे सर्व कागदोपत्री किंवा सांगण्यापुरते ठिक आहे. कारण, येथील लोक ऐकत नाहीत. पत्रे उचकटून बाहेर निघतात. शिवाय बाधा झालेल्या व्यक्तींच्या संपर्कातील व्यक्तींना एका शाळेत क्वारंटाईन केले आहे. तेही केवळ नावापुरतेच आहे. कारण, तिथेही सोशल डिस्टन्सिंग पाळले जात नाही, ही वस्तुस्थिती आहे.

ताज्या बातम्यांसाठी डाऊनलोड करा ई-सकाळचे ऍप

शहरातील पाॅझिटिव्ह रुग्णांची संख्या 233 झाली आहे. शिवाय, रुग्ण आढळलेले भाग कंटेन्मेंट अर्थात प्रतिबंधित क्षेत्र केले जात आहेत. आजपर्यंत 133 जण बरे होऊन घरी गेलेले आहेत. 72 पैकी 27 कंटेन्मेंट झोन कमी केलेले आहेत. शहरासाठी ही दिलासादायक घटना असली तरी काही कंटेन्मेंट झोन मधील नागरिक ऐकत नाहीत, ही वस्तुस्थिती आहे. 

पुण्याच्या बातम्या वाचण्यासाठी येथे ► क्लिक करा

शहरातील सोसायट्यांमध्ये आढषलेला कोरोना आता झोपडपट्टीत शिरला आहे. दाट लोकवस्ती व सोशल डिस्ट्न्सिंगचा अभाव आहे. चिंचवड स्टेशन परिसरातील इंदिरानगर, आनंदनगर, मोहननगर मोशीतील गंधर्वनगरी परिसर सील केलेला आहे. वस्तीतील रस्ते पत्रा लावून बंद केले आहेत. पण, पत्रे उचकटून नागरिक आत-बाहेर फिरताना दिसत आहेत. 

पुण्याच्या बातम्या वाचण्यासाठी येथे ► क्लिक करा

आनंद नगरच्या प्रवेशद्वारावर पोलिस नियुक्त केले आहेत. मात्र, अन्य चार ठिकाणच्या वाटेवरील पत्रे उचकटून नागरिक आत-बाहेर फिरत असतात. त्यामुळे मंगळवारी रात्री पोलिस बंदोबस्त वाढविण्यात आला आहे. तरीही लोहमार्गाच्या बाजूने लोकांची ये-जा सुरूच आहे. सोशल डिस्टंसिंगही येथे पाळले जात नाही, असे येतीलच काही नागरिकांनी सांगितले.