पिंपरी : शहर व परिसरात (pimpari city and area) शनिवारी (Saturday) (ता. १४) दिवसभर पावसाने हजेरी (rainfall) लावली. यामुळे वीकेंडनिमित्त (weekend) घराबाहेर पडलेल्यांची धांदल उडाली.

मागील महिन्यात सर्वत्र जोरदार पाऊस बरसला. शहरातील नद्यांनाही पूर आला. सलग तीन-चार दिवस पाऊस सुरूच होता. सूर्यदर्शनही झाले नव्हते. त्यानंतर पावसाने विश्रांती घेतली. कधीतरी तुरळक स्वरूपात बरसायचा. शनिवारीही सकाळी आकाश निरभ्र होते. मात्र, सकाळी अकरानंतर ढग दाटून येऊ लागले. त्यानंतर शहरासह परिसरात पावसाला सुरुवात झाली. दुपारच्यावेळी आणखी जोर वाढला. दरम्यान, मागील काही दिवसांपासून पाऊस थांबल्याने छत्री, रेनकोट न घेताच घराबाहेर पडलेल्यांची मोठी गैरसोय झाली.

पावसापासून बचाव करण्यासाठी रस्त्यालगतच्या झाडांचा व पुलाचा आधार घेतला. यामुळे ग्रेडसेप्रेटरमधील पुलाखालीही वाहनांची गर्दी झाल्याने इतर वाहनांचा वेग मंदावला. तसेच, रस्त्यावरील धूळ व पावसाचे पाणी यामुळे चिखल निर्माण झाल्याने काही ठिकाणी वाहने घसरण्याच्या घटना घडल्या. रस्त्यावरील खड्ड्यात साचलेल्या पाण्यामुळे खड्ड्यांचा अंदाज येत नसल्याने चालकांना कसरत करावी लागली. दिवसभर रिमझिम सुरूच होती.

खरेदीचे नियोजन कोलमडले

शनिवार सुटीचा दिवस असल्याने व दुकानेही सुरू असल्याने अनेकांनी खरेदीचे नियोजन केले. त्यासाठी सहकुटुंब खरेदीसाठी घराबाहेरही पडले. मात्र, पावसाने हजेरी लावल्याने खरेदीचे नियोजन कोलमडले.