पिंपरी : पिंपळे गुरव परिसरात कोरोना संसर्ग झालेले रुग्ण आढळले आहेत. त्यामुळे तुळजाभवानी मंदिर- साठ फुटी रस्ता- भालचंद्र हॉस्पिटल- निलम सुपर मार्केट- गणेश मंदिर- माऊली हॉटेल- श्रीगणेश डेअरी- जयश्री स्वीट्स ते तुळजभवानी मंदिरचा परिसर गुरुवारी मध्यरात्रीपासून सील करण्यात येणार आहे. पुढील आदेश येईपर्यंत या परिसरात प्रवेशबंदी असून येथून बाहेर पडण्यासही नागरिकांना बंदी आहे. 

बातम्या ऐकण्यासाठी डाऊनलोड करा ई-सकाळचे ऍप

दोघांचे रिपोर्ट पॉझिटिव्ह
पिंपळे गुरव परिसरातील दोघांचे रिपोर्ट गुरुवारी (ता. 30) सायंकाळी पॉझिटिव्ह आले. तसेच, पुणे महापालिका हद्दीतील रहिवाशी पण पिंपरी चिंचवड महापालिका रुग्णालयात दाखल असलेल्या तिघांचे रिपोर्टही गुरुवारी पॉझिटिव्ह आलेत. यामध्ये पिंपळे गुरव परिसरातील 10 वर्षांचा मुलगा आणि 36 वर्षीय महिलेचा समावेश आहे. तर,  अन्य तिघे पुण्यातील सदाशिव पेठ, भवानी पेठ आणि गंजपेठमधील रहिवासी आहेत. त्यांचे वय 35, 48 व 80 वर्ष आहे 

 पुण्याच्या बातम्या वाचण्यासाठी येथे ► क्लिक करा 

चार कोरोना मुक्त
भोसरी, संभाजीनगर आणि दापोडी परिसरातील चार रुग्ण गुरुवारी कोरोनामुक्त झाले. त्यांचे चोवीस तासांच्या अंतराने घेतलेल्या नमुन्यांचा अहवाल निगेटिव्ह आल्यामुळे त्यांना घरी सोडण्यात आले. यात संभाजीनगर येथील दाम्पत्याचा समावेश आहे.