पिंपरी : पिंपरी-चिंचवड (pimpri chinchwad) शहरात शनिवारी १६८ रुग्ण (corona patient) आढळले. एकूण रुग्णसंख्या दोन लाख ६८ हजार ९८ झाली आहे. आज १४७ जणांना डिस्चार्ज देण्यात आला. बरे झालेल्या एकूण रुग्णांची संख्या दोन लाख ६२ हजार ७४१ झाली आहे.

सध्या एक हजार ३२२ सक्रिय रुग्ण आहेत. आज कोणाचाही मृत्यू झाला नाही. मात्र, यापूर्वी मृत्यू झालेल्या एका रुग्णाची माहिती आज महापालिकेला मिळाली. आजपर्यंत शहरातील चार हजार ३८६ जणांचा मृत्यू झाला आहे.

सध्या रुग्णालयांत ६४३ रुग्ण उपचार घेत आहेत. ६७९ रुग्ण होम आयसोलेट आहेत. आजपर्यंत १३ लाख पाच हजार ३६५ व्यक्तींना लस देण्यात आली आहे.

शहरात सध्या ५२ मेजर व ४६५ मायक्रो कंटेन्मेंट झोन आहेत. कंटेन्मेंट झोनमधील ५५५ घरांना आज स्वयंसेवकांनी भेट दिली. दोन हजार ४५ जणांचे विलगीकरण करण्यात आले.