पिंपरी : किरकोळ कारणावरून चाकूने वार करून सासरा व मेहुण्याचा खून केला. त्यानंतर आजे सासऱ्यावर प्राणघातक हल्ला करीत पत्नीचे अपहरण करून अमरावतीहून पिंपरी-चिंचवड शहरात पळून आलेल्या आरोपीला पिंपरी-चिंचवड पोलिसांच्या गुन्हे शाखा युनिट एकच्या पथकाने बेड्या ठोकल्या. 

- ताज्या बातम्यांसाठी डाऊनलोड करा ई-सकाळचे ऍप

रवी सुरेश पर्वतकर (वय 23, रा. महावीर कॉलनी, अमरावती) असे आरोपीचे नाव आहे. आरोपी हा रविवारी (ता. 14) पत्नी हर्षा यांना आणण्यासाठी अमरावती जिल्ह्यातील चांदूर बाजार येथील कुरडपूर्णा येथे सासरी गेला होता. तेथे किरकोळ कारणावरून त्याचे सासरच्या लोकांशी भांडण झाले. यातून आरोपीने त्याचा सासरा बंडू साबळे, मेहुणा धनंजय साबळे यांचा चाकूने वार करून खून केला, तर आजे सासरे विश्वनाथ साबळे यांच्यावरही चाकूने वार केले. यामध्ये ते गंभीर जखमी झाले. त्यानंतर पत्नी हर्षा यांना जबरदस्तीने घेऊन आरोपी ट्रॅव्हल्सने पुण्याला आला. याबाबत चांदूर बाजार पोलिस ठाण्यात गुन्हा दाखल आहे. 

- पिंपरी-चिंचवडच्या बातम्या वाचण्यासाठी येथे ► क्लिक करा

दरम्यान, आरोपी रवी हा सोमवारी (ता. 15) भोसरी, मोशी परिसरात आल्याची माहिती युनिट एकच्या पथकाला मिळाली. त्यानुसार पोलिसांनी त्याला कुरुळी येथून ताब्यात घेतले. ही कारवाई युनिट एकचे वरिष्ठ निरीक्षक अमरनाथ वाघमोडे, सहायक निरीक्षक उमेश लोंढे, उपनिरीक्षक काळूराम लांडगे, कर्मचारी अमित खानविलकर, सोमनाथ बोऱ्हाडे, गणेश महाडिक, सुनील चौधरी, प्रमोद हिरळकार, सचिन मोरे, मंगल वलवे, मंजुषा राजोळे यांच्या पथकाने केली.

- पुण्याच्या बातम्या वाचण्यासाठी येथे ► क्लिक करा