Pune News - चांदणी चौकातील वाहतूक कोंडी जरी सुटली, तरीही कोणत्या रस्त्याने जायचे, या कोंडीत वाहनचालक मात्र अजूनही अडकलेलेच आहेत. मार्गदर्शक फलक नसल्याने रस्ता चुकल्यावर वाहनचालकांना किमान दोन किलोमीटरचा फेरा पडतोय, यामुळे वेळही वाया जात आहे.
राष्ट्रीय महामार्ग प्राधिकरणाने सुमारे ३९७ कोटी रुपये खर्चून आठ रॅम्प, दोन सेवा रस्ता, दोन अंडरपास, चार पूल, १७ किलोमीटरचे रस्ते बांधले. मात्र, कोणता रस्ता, कुठे जातो हेच वाहनचालकांना समजत नाही. प्राधिकरणाने काही ठिकाणी फलक लावले आहेत. तर, काही रस्त्याजवळ फलक लावलेले नाहीत. त्यामुळे वाहनचालकांची फसगत होत आहे. (Latest Marathi News)
या ठिकाणी हवेत फलक
वेदभवनच्या चौकात कोणतेच फलक नाहीत. या चौकातून एनडीए चौक, मुळशी, पाषाण व बावधनला जाता येते.
कोथरूडहून मुंबईला जाणाऱ्या रस्त्यांवर फलक नाही.
एनडीए चौकात आल्यानंतर देखील वाहनचालक संभ्रमित होतात.
बावधन व मुळशीकडे जाणारा रस्ता सहजरीत्या लक्षात येत नाही.
आम्ही सर्वच ठिकाणी फलक लावलेले आहेत. वेदभवन चौकात काही दिवसांतच लावू. वाहनचालकांना जर अडचण येत असेल तर आवश्यक त्या ठिकाणी फलक लावले जातील.
- संजय कदम, प्रकल्प संचालक, राष्ट्रीय महामार्ग प्राधिकरण, पुणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.