तरुणीवर अत्याचार करून घातपात केल्याचा संशय व्यक्त करीत यातील आरोपीना तात्काळ अटक करण्याची मागणी करण्यात आली. न्याय मिळेपर्यंत मृतदेहावर अंत्यसंस्कार करण्यास नातेवाईकांनी नकार दिला.
पिंपरी - तरुणीवर अत्याचार करून घातपात केल्याचा संशय व्यक्त करीत यातील आरोपीना तात्काळ अटक करण्याची मागणी करण्यात आली. न्याय मिळेपर्यंत मृतदेहावर अंत्यसंस्कार करण्यास नातेवाईकांनी नकार दिला.
पिंपरीतील खराळवाडी येथील तरुणी मंगळवारी रात्री येरवडा येथे गेली होती. तेथे एका इमारतीच्या खाली तिचा मृतदेह आढळला. पोलिसांना याबाबत माहिती मिळाल्यानंतर घटनास्थळाचा पंचनामा करून मृतदेह ताब्यात घेतला. आकस्मिक मृत्यूची नोंद करून शवविच्छेदनानंतर मृतदेह आईच्या ताब्यात दिला. दरम्यान, याबाबत कोणाविरुद्धही तक्रार नसल्याचा जबाबही तरुणीच्या आईने पोलिसाना दिला.
त्यानंतर मृतदेह अंत्यसंस्कारासाठी खराळवाडी येथे आणला असता आई व बहिणीव्यतिरिक्त इतर नातेवाईकांनी संबंधित तरुणीवर अत्याचार करून तिचा घातपात केल्याचा संशय व्यक्त केला. या प्रकरणाचा सखोल तपास करून आरोपींना अटक करण्याची मागणी करीत मृतदेहावर अंत्यसंस्कार करण्यास नकार दिला. यामुळे तणावाचे वातावरण निर्माण झाले. सध्या मृतदेह पिंपरीतील यशवंतराव चव्हाण रुग्णालयात ठेवला असून नातेवाईक तक्रार देण्यासाठी येरवडा पोलिस ठाण्यात गेले आहेत. अधिक तपास सुरु आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.