Ambulance
Ambulance Sakal
पिंपरी-चिंचवड

पिंपरी : सलग चार रुग्णवाहिका अडकल्या वाहतूक कोंडीत

सकाळ वृत्तसेवा

पिंपरी - शुक्रवारी मध्यरात्री एकच्या सुमारास मुंबई-पुणे महामार्गावरील पिंपरीतील ग्रेड सेपरेटरमध्ये कंटेनर अडकला. त्यानंतर चालक व मदतनीस निघून गेले. त्यामुळे अन्य वाहन चालकांना मागे फिरून जावे लागले. शिवाय, पोलिस शनिवारी सकाळी आठच्या सुमारास घटनास्थळी पोहोचले. दहाच्या सुमारास कंटेनर काढायला सुरुवात झाली. दरम्यान, पुणे-नाशिक महामार्गावर ऑइल सांडल्याने एमआयडीसीतून वाहतूक वळवावी लागली. त्यामुळे कोंडी झाली होती. परिणामी, शनिवारी मुंबई व पुणे दोन्ही महामार्गांवर वाहतूक कोंडी झाल्याने कामावर जाणाऱ्यांचे हाल झाले. पिंपरीतील कोंडीत चार रुग्णवाहिकांना अडकल्याने त्यांना वाट करून देताना पोलिसांना कसरत करावी लागली.

१३ तास अडकला कंटेनर

पिंपरीतील ग्रेडसेपरेटरमध्ये कंटेनर अडकल्याने निगडीकडे जाणारी सर्व वाहतूक सेवा रस्त्याने वळविण्यात आली. त्यामुळे दोन्ही बाजूच्या सेवा रस्त्यांवर वाहनांच्या लांब रांगा लागल्या. पोलिसांनी कंटेनरच्या चाकांमधील हवा सोडली. तरीही कंटेनर बाहेर निघाला नाही. सलग १३ तास कंटेनर अडकून राहिला. अखेर क्रेनने कंटेनर बाहेर काढला. परंतु, तोपर्यंत वाहतूक कोंडीने नागरिक हैराण झाले होते. शनिवार आणि रविवार सुटीचा दिवस. त्यातच वेळ काढून कुटुंबातील उरलेली कामे मार्गी लावण्याची सर्वांची घाई. खराळवाडीसमोरील ग्रेडसेपरेपटरच्या भागात बॅरिकेटस लावले होते. वाहतूक पोलिसांनी रुग्णवाहिकांना वाट करून दिली. एक रुग्णवाहिका पिंपरी कॅम्पच्या व इतर रुग्णवाहिका सिग्नलहून चिंचवडच्या दिशेने गेल्या.

समन्वयाचा अभाव

ग्रेडसेपरेटरमध्ये कित्येकदा क्षमतेपेक्षा अधिक उंचीची वाहने व अवजड मालाची वाहने प्रवेश करत असल्याने सर्वसामान्य नागरिकांवर वाहतूक कोंडी ओढवते. ग्रेडसेपरेटमध्ये वाहने अडकून छताचा भागही निखळण्याची भीती आहे. महापालिका व पोलिस प्रशासनाच्या असमन्वयामुळे सर्वसामान्य नागरिकांना मात्र, त्रास सहन करावा लागत आहे.

पंधरा दिवसांत दोन वेळा कंटेनर ग्रेडसेपरेटरमध्ये अडकले आहेत. नाशिकफाटा आणि निगडी दोन्ही बाजूच्या ग्रेडसेपरेटला ४. ५ मीटर वाहनांच्या उंचीचे बॅरिकेटस गरजेचे आहे. महापालिकेसोबत पत्रव्यवहार करणार आहे. कंटेनर अडकल्यानंतर नागरिकांनी ग्रेडसेपरेटरमध्ये न थांबवता वाट काढून जायला हवे होते.

- राजेंद्र कुंटे, वाहतूक पोलिस निरीक्षक, पिंपरी

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

KKR vs DC : दिल्ली पॉईंट टेबलमध्ये मोठी उसळी घेणार की जेक फ्रेसर मॅर्कगर्कला केकेआर रोखणार?

CSK vs SRH IPL 2024 : चेन्नईनं पुन्हा जिंकला चेपॉकचा गड; हैदराबादची इतिहासातील सर्वात मोठी हार

Sambhajinagar : राज्यातील पहिल्या मोसंबी ग्रेडींग व्हॅक्सीन व कोल्ड स्टोरेज केंद्राचे काम पूर्णत्वाकडे

Share Market : शेअर बाजारातील किरकोळ गुंतवणूकदारांच्या संखेत वर्षात ४.०३ कोटींची वाढ; देशात 'हे' राज्य आघाडीवर

Pune Traffic Updates : पुणे विद्यापीठ चौकातील मेट्रोच्या कामानिमित्त वाहतुकीत बदल

SCROLL FOR NEXT