पिंपरी : पतीच्या अनैतिक संबंधाला कंटाळून विवाहितेने तेरा वर्षांच्या मुलीसह घरात आत्महत्या (Suicide) केली. ही घटना रहाटणी येथे घडली. विवाहिने आत्महत्येपूर्वी मोबाईलवर व्हिडीओ (Mobile Video) तयार केला आहे. सुनीता युवराज नवले (वय ३५), श्रावणी युवराज नवले (वय १३, रहाटणी) असे आत्महत्या केलेल्या माय-लेकीच नाव आहे. पती युवराज राजाराम नवले (वय ४०) याला पोलिसांनी अटक (Police Arrested) केली आहे. त्याच्या प्रेयसीवर गुन्हा दाखल केला आहे.

डॉ. विवेक मुगळीकर यांनी दिलेली माहिती अशी, सुनीता या पती युवराज व मुलगी श्रावणी व दहा वर्षाचा मुलगा स्वराज यांच्यासमवेत राहत होत्या. पती युवराज हा गाडी भाड्याने देण्याचा व्यवसाय करतो. युवराजचे एका महिलेसोबत अनैतिक संबंध होते. या कारणावरून पती-पत्नीत वाद होत असत. युवराज हा पत्नी सुनीताला त्रास देत असे. तिला मारहाणही करायचा.

या त्रासाला सुनीता वैतागल्या होत्या.शुक्रवारी) युवराज गाडीचे भाडे घेऊन बाहेर गेला होता. मध्यरात्री दोन वाजता घरी आल्यावर मुलगी श्रावणीने दरवाजा उघडून त्यांना प्यायला पाणी दिले. त्यानंतर युवराज टेरेसवर झोपायला गेला. सकाळी मुलगा स्वराज झोपेतून उठला असता आई व बहिण गळफास घेतलेल्या अवस्थेत आढळले.