पिंपरी : मोशी येथे महिलेचा खून केल्याची घटना सोमवारी (ता.६) सकाळी उघडकीस आली.सरला साळवे (वय ३२, रा. मोशी) असे खून झालेल्या महिलेचे नाव आहे.सोमवारी सकाळी सरला या घरात बेशुद्धावस्थेत आढळून आल्या. याबाबत शेजारील रहिवाशांना समजल्यानंतर त्यांनी पोलिसांना माहिती देत सरला यांना उपचारासाठी रुग्णालयात दाखल केले.
मात्र, डॉक्टरांनी त्यांना मृत घोषित केले. त्यांच्या अंगावर जखमा असून त्यांचा खून झाल्याचे स्पष्ट झाले आहे. पोलिसांनी मृतदेह उत्तरीय तपासणीसाठी पाठवला आहे. वरिष्ठ अधिकाऱ्यांनी घटनास्थळी भेट देत माहिती घेतली. दरम्यान, सरला यांचा खून नेमका कोणत्या कारणासाठी झाला. याचा शोध पोलिस घेत आहेत.
याप्रकरणी भोसरी पोलिस ठाण्यात गुन्हा दाखल करण्याचे काम सुरू असून पोलिस आरोपीच्या मागावर आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.