पिंपरी : जुन्या भांडणाच्या कारणावरून टोळक्याने मोटारीतून तरुणाचे अपहरण केले. जंगलात नेवून कोयत्याने वार करीत बेदम मारहाण जीवे मारण्याची धमकी दिली. केली. हा प्रकार थेरगाव, पुनावळे व जांबे येथील जंगलात घडला. याप्रकरणी दीपक सुभाष आल्हाट (रा. वाल्हेकरवाडी, चिंचवड ) यांनी फिर्याद दिली आहे. त्यानुसार सौरभ काळे, दीपक तेलंगे (दोघेही रा. थेरगाव ) , बंटी लोखंडे (रा. वाल्हेकरवाडी ), सुनील सुभाष जाधव, अरविंद मुन्ना शर्मा (दोघेही, रा. थेरगाव ), हिरा शेख (रा. पुनावळे) यांच्यावर गुन्हा दाखल झाला आहे.

फिर्यादी हे त्यांच्या मित्रांसह मंगळवारी रात्री अकराच्या सुमारास थेरगावातील बारणे कॉर्नर येथे होते. त्यावेळी काळे, तेलंगे, लोखण्डे, जाधव व शर्मा हे आरोपी मोटारीतून तेथे आले. काळे याने जुन्या भांडणाच्या कारणावरून फिर्यादीला शिवीगाळ करून जबरदस्तीने त्यांच्या मोटारीत बसविले. त्यानंतर पुनावळे येथील काटे वस्ती रस्त्याने जांबे जवळील जंगलात नेले. तेथे आरोपी शेख याने त्याच्याकडील कोयत्याने फिर्यादीवर वार केले. तर इतर आरोपींनी बांबूने, पट्ट्याने , लाथा बुक्क्यांनी बेदम मारहाण केली. 'पुन्हा आमच्या नदी लागला तर ,, तुला जीवे मारू' अशी धमकी दिली. त्यानंतर पुन्हा मोटारीत बसवून वाल्हेकर वाडी येथील आहेर गार्डन जवळ बसवून आरोपी पसार झाले. याप्रकरणी वाकड पोलिस ठाण्यात गुन्हा दाखल असून पोलिस अधिक तपास करीत आहेत.