भोसरी - माजी केंद्रीय कृषीमंत्री शरद पवार यांच्याबद्दल निंदनिय वक्तव्य केल्याबद्दल दिघी, बोपखेल राष्ट्रवादी कॅांग्रेस व सेवादलादलाद्वारे भारतीय जनता पार्टीचे विधान परिषद आमदार गोपीचंद पडळकर यांचा दिघीतील छत्रपती संभाजी महाराज राजे निषेध करण्यात आला. त्याचप्रमाणे पडळकर यांनी पिंपरी-चिंचवड परिसरात येण्याचै आव्हान देण्यात आले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

या निषेधाचे आयोजन पिंपरी चिंचवड राष्ट्रवादी कॉंग्रेस पक्षाच्या दिघी विभाग, सेवादल बोपखेल, माजी आमदार विलास लांडे पाटील युवा मंच आदींच्या वतीने करण्यात आले. या वेळी माजी नगरसेवक चंद्रकांत वाळके, मंचचे दिघी अध्यक्ष ज्ञानेश आल्हाट,  वसंत इंगळे, रवींद्र चव्हाण आदींनी निषेध केला. या वेळी  हसन शेख, हरिभाऊ लबडे, विलास भोसले, अभिमन्यू दोरकर, महेश झपके, संभाजी लगड, केशव वाघमारे, रवींद्र शेखरें आदींसह कार्यकर्ते उपस्थित होते.

या वेळी माजी नगरसेवक वाळके म्हणाले, 'आदरणीय शरद पवारसाहेबांनी राज्यासह देशातील बहुजनांच्या विकासासाठी बहुमोल कामगिरी केली आहे. याचा अभ्यास पडळकरांनी करावा. अज्ञानापोटी पवार साहेबांविषयी कोणतेही बालिश वक्तव्य त्यांनी करू नेये"

मंचचे अध्यक्ष ज्ञानेश आल्हाट म्हणाले, "पडळकर यांनी पवारसाहेबांविषयी केलेले वक्तव्य निंदनीय आहे. पडळकर यांनी पिंपरी-चिंचवड परिसरात यावे. त्यावेळी या वक्तव्याबद्दल राष्ट्रवादी कॅांग्रेसद्वारे त्यांना धडा शिकविला जाईल."

या वेळी पडळकर यांच्या निषेधाच्या घोषणा देण्यात आल्या. निषेधासाठी पडळकर यांच्या प्रतिमेवर फुली मारण्यात आली.  

निषेध कार्यक्रमाचे प्रास्ताविक विलास भोसले यांनी केले. सूत्रसंचालन पुंडलिक सैंदाणे यांनी केले. आभार वसंत रेंगडे यांनी मानले.