तळेगाव स्टेशन : तळेगाव दाभाडे येथील पंचवटी काॅलनीतील स्नेहवर्धक मंडळ शैक्षणिक ट्रस्टचे ज्युनिअर काॅलेज ऑफ सायन्स अँड काॅमर्समध्ये लाॅकडाऊन आणि आपत्ती व्यवस्थापन अधिनियम कायद्याचे उल्लंघन करुन चालू असलेल्या अकरावीच्या पुनर्परीक्षेवर प्रशासनाने अचानक छापा टाकून कारवाई केली.

ताज्या बातम्यांसाठी डाऊनलोड करा ई-सकाळचे ऍप 

मावळ मुळशीचे उपविभागीय अधिकारी तथा आपत्ती निवारण अधिकारी यांच्या आदेशाचे उल्लंघन केल्यामुळे संस्थेच्या संचालक मंडळ, प्राचार्य आणि संबंधित शिक्षक अशा एकूण चौदा जणांवर गुन्हे दाखल करण्याचे काम चालू आहे. मावळचे तहसीलदार मधुसुदन बर्गे, तळेगाव नगरपरिषदेचे मुख्याधिकारी दिपक झिंजाड, वरिष्ठ पोलिस निरीक्षक अमरनाथ वाघमोडे,तळेगाव नगरपरिषद शिक्षण मंडळ प्रशासकीय एस.एम.गावडे यांच्या पथकाने ही कारवाई केली. एकूण २७ विद्यार्थी आढळून आले.

पुण्याच्या बातम्या वाचण्यासाठी येथे  क्लिक करा

मुख्यमंत्री आणि शिक्षणमंत्र्यानी राज्यातील सर्व शाळा महाविद्यालयांना केलेल्या आवाहनानंतरही सर्व नियम धाब्यावर बसवून मनमानी करणाऱ्या शैक्षणिक संस्थेवरील ही पहिलीच मोठी कारवाई मानली जात आहे.