पिंपरी : अश्लील फोटो व्हिडीओ सोशल मीडियावर व्हायरल करण्याची धमकी देत पुणे शहर पोलिस दलातील पोलिस शिपायाने इंजिनीयर तरुणीवर लैंगिक अत्याचार केला . याप्रकरणी आरोपी पोलिसाला भोसरी एमआयडीसी पोलिसांनी अटक केली आहे.विक्रम गणपत फडतरे (वय ३८, भिलारे वस्ती, पुणे) असे अटक केलेल्या आरोपीचे नाव आहे. तो पुणे शहर पोलिस दलात वाहतूक शाखेत शिपाई पदावर कार्यरत आहे.

याप्रकरणी ३० वर्षीय तरुणीने फिर्याद दिली आहे. फिर्यादी या इंजिनियर असून एका कंपनीत नोकरीला आहेत . आरोपीने फिर्यादी यांना फेसबुकवर फ्रेंड रिक्वेस्ट पाठवून मैत्री वाढवली. त्यानंतर जबरदस्तीने त्यांच्याशी शारीरिक संबंध ठेवून त्यांचे अश्लील फोटो व व्हिडीओ बनवले. त्यानंतर हे फोटो व व्हिडीओ सोशल मीडियावर वायरल करण्याची धमकी देत वेळोवेळी फिर्यादीवर लैंगिक अत्याचार केला. याप्रकरणी एमआयडीसी भोसरी पोलिस ठाण्यात गुन्हा दाखल असून पोलिसांनी आरोपीला अटक केली आहे.