Ravi-Landage 
पिंपरी-चिंचवड

‘हे माझं चुकलं का?’ असं विचारणाऱ्या फलकाची भोसरीत चर्चा

सकाळवृत्तसेवा

भोसरी - महापालिकेत एकहाती सत्ता असलेल्या भारतीय जनता पक्षामधील कलह आता लपून राहिलेला नाही. विविध सभा, बैठकांमधून नगरसेवक नाराजी व्यक्त करीत असतात. मात्र, रवी लांडगे यांनी ‘हे माझं चुकलं का?’ असे फ्लेक्स भोसरी परिसरात ठिकठिकाणी लावून पक्षांतर्गत कलह उघड केला आहे. स्थायी समितीचे अध्यक्षपद न मिळाल्याने ते गेल्या आठवड्यापासून नाराज आहेत. याबाबत त्यांनी उघडपणे भूमिका मांडली होती. आगामी निवडणुकीत ते पक्षांतर करणार का? याविषयी चर्चा सुरू झाली आहे.

लांडगे यांचे कुटुंब चाळीस वर्षांपासून भाजपशी एकनिष्ठ आहे. पंचवार्षिक निवडणुकीत रवी लांडगे बिनविरोध निवडून आलेले सदस्य आहेत. गेल्या चार वर्षात त्यांना एकही पद मिळालेले नाही. त्यामुळे आपल्यावर अन्याय झाला, अशी त्यांची भावना आहे. यातूनच राष्ट्रवादी कॉंग्रेसचे ज्येष्ठ नेते, उपमुख्यमंत्री अजित पवार यांची त्यांनी भेट घेतली होती. निदान शेवटच्या वर्षात तरी पद मिळेल, अशी अपेक्षा त्यांना होती. स्थायी समिती अध्यक्षपदासाठी ते इच्छुक होते. पद देण्याचे आश्वासन शहराध्यक्ष, आमदार महेश लांडगे यांनी आपल्याला दिले होते, असाही त्यांचा दावा होता. मात्र, ऐनवेळी नितीन लांडगे यांचे नाव जाहीर होऊन निवड झाली. यातूनच निर्माण झालेल्या नाराजीतून भोसरी परिसरात फ्लेक्स लागल्याची चर्चा आहे.

- पुण्याच्या बातम्या वाचण्यासाठी येथे ► क्लिक करा

‘हे माझं चुकलं का?’ असे वाक्य ठळक अक्षरात फ्लेक्सवर आहे. त्याला जोडून विविध मजकूर असूनच लिहिला आहे. ‘सोयीचं राजकारण नाही, तर स्वाभिमानी राजकारण अंगीकृत केलं- ‘हे माझ चुकलं का?’  गोरगरिबांसाठी बांधलेल्या रुग्णालयाच्या खासगीकरणाला मी विरोध केला- ‘हे माझ चुकलं का?’ असे विचारले आहेत. त्यामुळे भाजपमधील अंतर्गत कलह उघड झाला आहे.

२०१४ च्या विधानसभा निवडणुकीपूर्वी आमदार महेश लांडगे यांनी राष्ट्रवादी विरोधात बंड पुकारत माजी आमदार विलास लांडे यांच्या विरोधात ‘विकासाचे गाजर’ अशी फ्लेक्सबाजी केली होती. त्यावेळी याची चांगलीच चर्चा शहरात रंगली होती. आता रवी यांनी ‘हे माझं चुकलं का?’ अशी फ्लेक्सबाजी करीत महेश लांडगे यांच्याविरोधात बंड पुकारले आहे. विलास लांडे पुन्हा राजकारणात सक्रिय झालेले दिसून येतात. त्यामुळे शहराध्यक्ष म्हणून हा अंतर्गत कलह संपवण्याचे मोठे आव्हान लांडगे यांच्यापुढे आहे.

माझ्या वडिलांनी शहरात भारतीय जनता पक्षाचा पाया रोवला. माझ्या चुलत्यांनी पक्षाचा विस्तार केला. मीही पक्षनिष्ठ राहिलो. शब्द पाळला गेला नाही. त्यामुळे माझ्यावर अन्याय झाला आहे. तरीही भाजपचेच काम करीत राहणार आहे. पक्ष बदलण्याचा विचार नाही.
- रवी लांडगे, नगरसेवक, भाजप

Edited By - Prashant Patil

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Who is Priya Nair: 92 वर्षांत पहिल्यांदाच महिला CEOची निवड; HULच्या नेतृत्वाची जबाबदारी प्रिया नायर यांच्यावर

Video: दिल्ली पुन्हा 100 वर्ष मागे गेल्यासारखी दुरवस्था! पावसानंतरचा व्हिडिओ पाहून तुम्हीही डोक्याला लावाल हात

Viral Video : काय चाललंय? धबधब्याखाली दोन मुले आक्षेपार्ह अवस्थेत, लोकांच्या माना लाजेने खाली, सार्वजनिक ठिकाण तरी सोडा रे...

Chakan MIDC : चाकण एमआयडीसी परिसरात वर्तुळाकार बससेवा, पीएमपी प्रशासनाचा निर्णय; अध्यक्षांकडून पाहणी

Vlogger of the Year: लोहार यांचा व्लॉगर ऑफ द इयर पुरस्काराने सन्मान

SCROLL FOR NEXT