पिंपरी : कोविड संसर्गामुळे गेल्या कित्येक महिन्यांपासून रिक्षा व्यवसाय बंद आहे. आर्थिक अडचणीमुळे रिक्षाचालक संकटात सापडला आहे. हप्ते थकल्यामुळे फायनान्स कंपन्यांनी वसुलीसाठी बेकायदा मार्गाने तगादा लावला आहे. फायनान्स कंपन्यांवर गुन्हे दाखल झाले पाहिजेत. या मागणीसाठी पिंपरी ते जिल्हाधिकारी कार्यालयापर्यंत बुधवारी महाराष्ट्र रिक्षा पंचायत व रिक्षा ब्रिगेडच्यावतीने रिक्षांसह मोर्चा काढला. (PCMC News)

निवेदनात म्हटले आहे की, रिक्षाचालकांच्या समस्यांसाठी पोलिस तसेच जिल्हाधिकारी कार्यालयाकडे वारंवार पाठपुरावा केला. परंतु, तक्रार देखील दाखल करून घेतली जात नाही. शेतकऱ्यांप्रमाणे रिक्षाचालक मालकांचे आरसी बुक कोरे केले पाहिजे. कर्ज माफ झाले पाहिजे. कल्याणकारी महामंडळ स्थापन करून महिना दहा हजार रुपये आर्थिक मदत रिक्षाचालक व मालकांना मिळाली पाहिजे.

टास्क फोर्स स्थापन करून समस्या सोडवण्यासाठी सरकारने प्रयत्न करायला हवे.कार्याध्यक्ष लक्ष्मण शेलार, उपाध्यक्ष सुरेश सोनवणे, रिक्षा ब्रिगेड महाराष्ट्र प्रमुख बाळासाहेब ढवळे, पिंपरी-चिंचवड शहराध्यक्ष धनंजय कुदळे, उपाध्यक्ष विजय ढगारे, जाफर शेख उपस्थित होते.