पिंपरी : लोहगाव येथील डॉ. डी. वाय. पाटील स्कूल ऑफ इंजिनिअरींगमधील (डीवायपीएसओई) प्राध्यापक डॉ. एस. एम. खैरनार आणि डॉ. सानिया अन्सारी यांना केंद्रीय विज्ञान व तंत्रज्ञान मंत्रालयाकडून 81 लाख रुपयांचे संशोधन अनुदान देण्यात आले आहे. 

ताज्या बातम्यांसाठी डाऊनलोड करा ई-सकाळचे ऍप    

स्ट्रॅटेजिक प्लॅनिंग फॉर वॉटर रिसोर्सेस ऍन्ड इंप्लिमेंटेशन ऑफ नॉवेल बायोटेक्‍निकल ट्रिटमेंट सोल्यूशन्स ऍन्ड गुड प्रॅक्‍टिसेस (स्प्रिंग)असे त्यांच्या बहु-अनुशासनात्मक (मल्टि डिसिप्लिनरी) प्रकल्पाचे शीर्षक आहे. पुण्यातील संशोधकांना प्रथमच आयआयटी आणि इंडिया-युरोप आंतरराष्ट्रीय यांच्या संयुक्त सहकार्याने प्रोटोटाईप, ऑटोमेशन आणि संगणकीय चाचणीच्या विकासात्मक संशोधनासाठी 81 लाख रुपयांचे अनुदान मिळाले आहे. 

पिंपरी चिंचवडच्या बातम्या वाचण्यासाठी येथे ► क्लिक करा

डीएसटी, नवी दिल्ली येथील सादरीकरणावरुन संपूर्ण देशभरातून 72 पैकी फक्त 8 प्रकल्पांची निवड झाली आहे. 'डीवायपीएसओई'ही देशातील एकमेव खासगी संस्था असून, या प्रकल्पासाठी आंतरराष्ट्रीय भागीदार म्हणून संस्थेची निवड झाली आहे. या प्रकल्पात 3 आयआयटी, दोन स्वायत्त आणि 1 स्वयंसेवी संस्था तसेच नॉर्वे, हंगेरी, फिनलॅंड आणि पोर्तुगाल या देशांतील 5 आंतरराष्ट्रीय विद्यापीठांचा समावेश आहे.

पुण्याच्या बातम्या वाचण्यासाठी येथे ► क्लिक करा 

युरोपियन युनियनने केवळ 8 भारतीय आणि पाच आंतरराष्ट्रीय भागीदारांसाठी 6 कोटी 11 लाख रुपयांचे अनुदान मंजूर केले आहे. 'डीवायपीएसओई'ला 1 जून 2020 पासून पुढील 3 वर्षांच्या कालावधीसाठी ही अनुदान प्राप्त झाले आहे. देशाकडून डॉ. संजुक्ता पात्रा, आयआयटी, गुवाहाटी आणि युरोपियन युनियनकडून डॉ.रजनीश कौर कॅले, युनिव्हर्सिटी ऑफ ट्रोम्से (नॉर्वे) हे प्रकल्प समन्वयक म्हणून पुढील वर्षांसाठी कार्यभार संभाळणार आहेत.