पिंपरी - अक्षयतृतीयेनिमित्त ‘सकाळ’तर्फे आयोजित नाट्य महोत्सवाचे आता ऑनलाइन बुकिंग करता येणार आहे. ‘बुक माय शो’ आणि ‘तिकिटालय’ यावर तिकिटे उपलब्ध आहेत. महोत्सवामध्ये भाऊ कदम, स्पृहा जोशी, संकर्षण कऱ्हाडे, ओंकार भोजने, काजल काटे, प्रिया करमरकर, अमोल कुलकर्णी आदी कलाकारांचा आविष्कार बघायला मिळणार आहे.

सध्या उन्हाळा सुरू आहे. शाळांना सुट्ट्या आहेत. विरंगुळा म्हणून कुटुंबीयांसह फिरायला जायचं म्हटलं तर प्रचंड ऊन आहे. अशावेळी मन ताजंतवानं करणारं साधनं म्हणजे नाटक आणि चित्रपट. यातील नाटकांची आणि जोडीला कधी मनाला रुंजी घालणाऱ्या तर कधी खळखळून हसविणाऱ्या कवितांचा हलका-फुलका कार्यक्रम १० ते १२ मे दरम्यान ही मेजवानी सर्वांना उपलब्ध होणार आहे.

चिंचवड येथील प्रा. रामकृष्ण मोरे प्रेक्षागृहात ‘सकाळ नाट्य महोत्सव’ आयोजित केला आहे. त्याअंतर्गत ‘संकर्षण व्हाया स्पृहा’ हा निखळ मनोरंजनाचा हलका-फुलका प्रयोग १० मे रोजी होईल. ११ मे रोजी ‘तू म्हणशील तसं!’ आणि १२ मे रोजी ‘करून गेलो गाव’ ही नाटकं होतील.

संपूर्ण महोत्सवाचे तिकीट घेतल्यास विशेष सवलत दिली जाणार आहे. महोत्सवाचे सहप्रायोजक चिंचवड येथील ऑक्सिकेअर हॉस्पिटल आहे. ऑनलाइन बुकिंग उपलब्ध आहे.

तिकिटांचे दर (प्रतिव्यक्ती)

सीझन तिकीट (तळमजला) - १००० रुपये

सीझन तिकीट (बाल्कनी) - ८०० रुपये

प्रतिनाटक तिकीट (तळमजला) - ४०० रुपये

प्रतिनाटक तिकीट (बाल्कनी) - ३०० रुपये

महोत्सवाचे वेळापत्रक

शुक्रवारी (ता. १०) रात्री ९.३० वा. - संकर्षण व्हाया स्पृहा

शनिवार (ता. ११) रात्री ९.३० वा. - तू म्हणशील तसं!

रविवार (ता. १२) सायंकाळी ६.०० वा. - करून गेलो गाव

फोन बुकिंग - ८९७५२३७०४१

ऑनलाइन बुकिंग : ऑनलाइन बुकिंग - https://in.bookmyshow.com; www.ticketalay.com/ticketalay app

अधिक माहितीसाठी संपर्क - सचिन - ९७३०९५९६९९