पिंपरी : कोरोनाचा प्रार्दुभाव वाढत असताना भोसरीमधील राष्ट्रीय एड्‌स संशोधन संस्थेने (नारी) दर दिवसाला 200 कोरोनाच्या नमुन्यांची तपासणी करण्यास सुरुवात केली आहे. येत्या एक ऑगस्टपासून ही चाचण्यांची संख्या शंभरने वाढविणार असल्याचे संस्थेचे संचालक डॉ. समीरन पांडा यांनी सांगितले. 

ताज्या बातम्यांसाठी डाऊनलोड करा ई-सकाळचे ऍप   

कोरोनाचा संसर्ग वाढत आहे. त्यामुळे पुढील महिन्यात देखील दररोज होणाऱ्या चाचण्यांची संख्या आणखी कशी वाढवता येईल. यादृष्टीने नारीने प्रयत्न सुरु केले आहेत. कोरोनाला सुरुवात झाल्यानंतर नारीकडे नमुने तपासण्याचे काम देण्यात आले. सुरुवातीला 100 नमुने तपासण्यात येत होते. मात्र, चाचण्यांच्या संख्येमध्ये वाढ होत आहे. नारीने कोरोनाच्या चाचण्यांचे काम करण्यासाठी शास्त्रज्ञ, तंत्रज्ञ, डॉक्‍टर, अशा कुशल मनुष्यबळाची टीम तयार केली असून त्यांच्या माध्यमातून हे काम सुरु असल्याचे डॉ. पांडा यांनी नमूद केले. कोरोनाचे प्रमाण दिवसेंदिवस वाढत चालले आहे. त्यामुळे सध्या याठिकाणी सुरु असणाऱ्या चाचण्यांच्या संख्येत वाढ करुन दिवसाला हा आकडा 300 पर्यंत कसा नेता येईल. यादृष्टीने संस्थेकडून प्रयत्न सुरु झाल्याचे डॉ. पांडा यावेळी म्हणाले. 

पिंपरी चिंचवडच्या बातम्या वाचण्यासाठी येथे ► क्लिक करा

एड्‌सवरील संशोधनाचे काम देखील सुरु...

कोरोनाच्या चाचण्यांचे काम सुरु असताना संस्थेने एड्‌सवरील संशोधनाच्या कामामध्ये कुठेही खंड पडू दिलेला नसून, ते कामही नियमितपणे सुरु आहे. संस्थेमध्ये सुरु असणारी अन्य संशोधनांची कामे सांभाळून संस्था नव्या दिशेने पुढे जाण्याचा प्रयत्न करत असल्याचे डॉ. पांडा यांनी सांगितले. 

पुण्याच्या बातम्या वाचण्यासाठी येथे ► क्लिक करा