नवी सांगवी ( पुणे ) : अठरा विश्व दारिद्र्यात जगणाऱ्याला रोजच्या उपासमारीच तसं नवल नाही. परंतु, नवजात बालकाचा लॉडाउनमध्ये सांभाळ कसा करायच्या या विवंचनेत सापडली ही माऊली व तिच्या तान्हुल्याच्या मदतीला सांगवी पोलिस ठाण्यातील पोलिस हवालदार रोहिदास बोऱ्हाडे धाऊन गेले. बाळंतणीला रोज दोन वेळचे जेवण आणि बाळंतविड्यासाठी पाच हजार रुपये देऊन खाकी वर्दीतील देवदूत असल्याची प्रचिती दिली.
पिंपळे गुरव येथील सामाजिक कार्यकर्त्या संजिवनी पुराणीक यांना घरकाम करणाऱ्या या बाळंतणीची विवंचना समजली. तिचा नवरा बिगारी कामगार, त्यातच सुरू असलेले लॉकडाउन या मुळे त्यांची परिस्थिती अत्यंत बिकट झालेली. या गरिब कुटुंबाची व्यथा पुराणीक यांनी बोऱ्हाडे यांना सांगितली. बोऱ्हाडे यांचा एक मे रोजी वाढदिवस असतो. त्यांनी यंदाचा वाढदिवस साजरा न करता या बाळंतणीची सांगवीतील महापालिकेच्या दवाखान्यात जाऊन भेट घेतली. तिला बाळंतविड्यासाठी पाच हजार दिले व महिनाभर दोन वेळच्या जेवणाच्या डब्याचीही सोय केली.
पुण्याच्या बातम्या वाचण्यासाठी येथे ► क्लिक करा
जुन्नर तालुक्यातील देवळे गावी बोऱ्हाडे यांचे बालपण गेले. वारकरी कुटुंबाची पार्श्वभूमी असलेले बोऱ्हाडे प्रतिकूल परिस्थितीवर मात करत पोलिसात भरती झाले. दुसऱ्याच्या अडचणीत ते कायमच धावून जातात. लॉकडाउनच्या काळात त्यांनी केलेली ही मदत न विसरण्यासारखी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.