पिंपरी : पिंपरी-चिंचवड शहरात आज (शनिवार) सायंकाळपर्यंत 30 जणांना कोरोना संसर्ग झाल्याचे आढळले. त्यात 18 पुरुष आणि 12 महिलांचा समावेश आहे. त्यामुळे आजपर्यंत बाधित रुग्णांची संख्या 708 झाली आहे. त्यापैकी 445 जण बरे झाले आहेत.

ताज्या बातम्यांसाठी डाऊनलोड करा ई-सकाळचे ऍप     

आजपर्यंत पिंपरी-चिंचवड शहरातील 17 हजार 575 संशयितांची तपासणी करण्यात आली आहे. सध्या रुग्णालयात 251 जणांवर उपचार सुरू आहेत. आज आंबेगाव येथील ६४ वर्षीय पुरुषाचा मृत्यू झाला.

आज पॉझिटिव्ह आलेले रुग्ण हे आनंदनगर, पिंपळे गुरव, बौध्दनगर, सांगवी, भाटनगर, बॉईज हॉस्टेल वाय.सी.एम. हॉस्पीटल, अजिंठानगर, गुरुदत्तनगर पिंपरी, लिंकरोड पिंपरी, जनतानगर चिंचवड, रुपीनगर, दत्तनगर वाकड, चिंचवड, आनंदपार्क निगडी, खराळवाडी, दापोडी, खेड, जुन्नर, डेक्कन पुणे, येरवडा, शिवाजीनगर, देहूरोड व चाकण येथील रहिवासी आहेत.

पिंपरी चिंचवडच्या बातम्या वाचण्यासाठी येथे ► क्लिक करा

आज भोसरी, आनंदनगर, वाकड, बौध्दनगर, पिंपरी, किवळे, भाटनगर, अशोकनगर पिंपरी, दापोडी, कासारवाडी, आंबेगांव, खेड व शिक्रापूर येथील रहिवासी असलेले रूग्ण कोरोनामुक्त झाल्याने डिस्चार्ज देण्यात आला आहे.

पुण्याच्या बातम्या वाचण्यासाठी येथे ► क्लिक करा 

पावसाळा सुरु झालेला असल्याने वैद्यकीय विभाग, पिं.चिं. मनपामार्फत सर्व नागरीकांना आवाहन करण्यात येत की अत्यावश्यक कारणाशिवाय घराच्या बाहेर पडु नये. तसेच पावसाचे पाण्यामुळे मास्क ओला होणार नाही याची काळजी घ्यावी व सोबत किमान एक तरी अतिरीक्त मास्क ठेवावा, असे आवाहन महापालिकेचे अतिरिक्त वैद्यकीय अधिकारी डॉ. पवन साळवे यांनी केले आहे.