मोशी (पिंपरी चिंचवड) : चिखलीमधील मुख्य चौकामध्ये भर रस्त्यावर पथारीवाले बसतात. परिणामी पादचारी नागरिकांनाही या रस्त्याने चालणे अवघड झाले आहे. स्थानिकांनी या अनधिकृत पथारीवाल्यांवर कारवाई करण्याची मागणी केली आहे.
मोशी-देहू रस्त्याचे महापालिकेच्या वतीने 30 मीटरपर्यंत रुंदीकरण करत हा रस्ता मोठा केला आहे. मात्र पथारीवाल्यांच्या अतिक्रमणामुळे हा रस्ता अरुंद झाला आहे. येथे पादचाऱ्यांना चालण्यासाठी तीन मीटर रुंदीचे पदपथही बांधण्यात आलेले आहेत. मात्र या पदपथांवर या रस्त्यालगत असलेले दुकानदार आपल्या दुकानातील माल विक्रीसाठी आपल्या दुकानासमोर असलेल्या पदपथावर विक्रीसाठी ठेवत आहेत. यापुढे जाऊन आणखी काही अनधिकृत पथारीवाले तर आता या पदपथाच्या खाली म्हणजेच भर वाहतुकीच्या रस्त्यावरच पथारी मांडून बसू लागले आहेत. हातगाड्यांमधून विक्री करणारे आपल्या हातगाड्या आडव्या लावतात. त्यामुळे स्थानिक पादचारी नागरीकांना पायी चालणेही अवघड झाले आहे. वाहनचालकांना तर या गर्दीतून कसरत करतच वाहने चालवावी लागत असल्याचे वाहनचालक हरिष वाघ यांनी सांगितले.
रस्त्यालगतच्या पदपथासह भर रस्त्यावरही हे पथारीवाले बसू लागले आहेत. त्यांच्या वस्तू खरेदी करण्यासाठी या विक्रेत्यांभोवती ग्राहक गर्दी करतात त्यामुळेही रस्त्यावरुन चालणे व वाहन चालविणे अवघड होत आहे.
- गणपत बारवकर, चिखली स्थानिक नागरिकया गर्दीतून वाट काढत चालणे अवघड आहे. त्यातच काही नागरिक बेशिस्तपणे उलट दिशेने चालतात. त्यामुळे महिलांना येथून चालणे अवघड झाले आहे.
- लक्ष्मी थोरात, पादचारी महिला चिखली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.