पिंपरी : कोलकाता येथील नदिया गाव गाठण्यासाठी 'त्या' तरुणांनी पिंपरी बाजारपेठेतून सहा सायकल खरेदी केल्या. तब्बल दोन हजार किलोमीटरचा प्रवास ते वीस रात्रीतून पूर्ण करणार आहेत. 

ताज्या बातम्यांसाठी डाऊनलोड करा ई-सकाळचे ऍप

सुमारे 18 ते 20 वर्षांच्या सहा तरुणांनी सायकल खरेदी केल्या. विशेष म्हणजे त्यांच्याकडे सायकल खरेदी करण्यासाठी पैसे नव्हते. मात्र, आई-वडील आणि नातेवाइंकानी त्यांच्या खात्यावर पैसे पाठवले. त्यामुळे ते सायकल घेऊ शकले. त्यानंतर ते शनिवारी (ता. 9) रात्री आठ वाजता ते कोलकात्याच्या दिशेने निघाले. त्यांनी गरजेपुरते कपडे, पाणी आणि पंक्चरचे साहित्य सोबत घेतले. त्यांच्या जवळ खाण्यासाठी काहीही नव्हते. केवळ घरी संपर्क करण्यासाठी सर्वांनी मोबाईल चार्जिंग करून घेतले होते.  

पुण्याच्या बातम्या वाचण्यासाठी येथे ► क्लिक करा 

राजेश म्हणाला,  "आमचा देवच आम्हाला आमच्या घरी पोचविणार आहे. आम्ही सरकारकडे मदत मागणार नाही. आम्हाला कोणाचीही मदत नको. दोन वेळा आम्ही प्रयत्न करूनही आम्हाला प्रमाणपत्र आणि मदत मिळाली नाही. आम्ही पिंपरीतील हॉटेलमध्ये काम करून महिन्याकाठी दहा हजार रुपये कमवत होतो. तसेच, उरलेले पैसे गावी पाठवित होतो. परंतु, त्या मालकानेही पैसे दिले नाहीत. आमचे आई-वडील दररोज आमच्यासाठी अश्रू ढाळत आहेत. त्यामुळे आम्ही गावी जाण्याचा निर्णय घेतला आहे."

पिंपरी चिंचवडच्या बातम्या वाचण्यासाठी येथे ► क्लिक करा

दरम्यान, बाप्पा से, राजेश से, राहुल से, इब्राहिम से, रिटॉन व इंसान से हे प्रत्येक प्रशासकीय व्यवस्थेविषयी संताप व्यक्त करीत होते.