पिंपरी : पिंपळे सौदागर येथील तरुण विराज जगताप याचा गेल्या आठवड्यात खून झाला होता. त्याच्या कुटुंबीयांची भेट घेऊन गृहमंत्री अनिल देशमुख यांनी शुक्रवारी सांत्वन केले. राज्य सरकारतर्फे सव्वाचार लाख रुपये मदतीचा धनादेश विराजच्या आजीकडे सुपूर्द केला. 

ताज्या बातम्यांसाठी डाऊनलोड करा ई-सकाळचे ऍप   

जगताप कुटुंबाला सरकारकडून सर्व प्रकारची मदत मिळेल, खटला लढण्यासाठी सरकारतर्फे वकील दिला जाईल. जगताप कुटुंबीय सांगतील, त्या वकिलांची नियुक्ती यासाठी केली जाईल. दोषींवर कठोर कारवाई करण्यात येईल, असे आश्‍वासन गृहमंत्री देशमुख यांनी दिले. विरोधी पक्षनेते नाना काटे, पोलिस आयुक्त संतोष बिष्णोई आदी उपस्थित होते. 

पिंपरी चिंचवडच्या बातम्या वाचण्यासाठी येथे ► क्लिक करा

विराजचा सात जून रोजी खून झाला. याप्रकरणी सहा जणांना पोलिसांनी अटक केली आहे. मात्र, काही समाजकंटकांनी या प्रकरणाला जातीय रंग देण्याचा प्रयत्न करीत सोशल मीडियाच्या माध्यमातून केला आहे. आक्षेपार्ह पोस्ट, व्हिडिओ तसेच अफवा प्रसारित केल्या जात होत्या. याबाबत, "सोशल मीडियावरील प्रक्षोभक व चिथावणीखोर पोस्ट व्हायरल करणाऱ्यांवर कठोर कारवाई केली जाईल. सामाजिक, जातीय, धार्मिक तेढ निर्माण होणार नाही, याची खबरदारी घेऊन शांतता व सुव्यवस्था राखावी. अफवांवर विश्‍वास ठेवू नये,' असे आवाहन पोलिसांनी केले होते. त्यानंतर हे प्रकार थांबले आहेत. 

पुण्याच्या बातम्या वाचण्यासाठी येथे ► क्लिक करा 

दरम्यान, पिंपळे सौदागर येथील विराज जगतापच्या खून प्रकरणात काही समाजकंटक जाणीवपूर्वक जातीय तेढ निर्माण करण्यासाठी सोशल मीडियावर आक्षेपार्ह पोस्ट, व्हिडिओ प्रसारित करीत होते. याप्रकरणी कोणीही चुकीची पोस्ट, अफवा पसरवू नयेत, जातीय तेढ निर्माण करू नये, असे आवाहन जगताप कुटुंबीयांसह पिंपळे सौदागर ग्रामस्थांनी केले आहे.