पिंपरी : लॉकडाउनचा आज तिसरा दिवस. गुरुवार औद्योगिक सुटी. त्यामुळे गेल्या दोन दिवसांच्या तुनलेत शहरातील रस्त्यांवर वाहनांची वर्दळ कमी होती. पण, काही ठिकाणी पोलिसांकडून वाहनचालकांची तपासणी सुरू होती. परवाना नसणारे, मास्क न लावलेले, दुचाकीवर दोन जण जाणारे, चारचाकीतून दोनपेक्षा अधिक जण प्रवास करणाऱ्यांवर कारवाई करण्यात आली. 

ताज्या बातम्यांसाठी डाऊनलोड करा ई-सकाळचे ऍप 

'लॉकडाउन म्हणजे महाआघाडी सरकारला आलेली 'लहर'', कोण म्हणालं पाहा...

पुणे शहर व ग्रामीण भागातून पिंपरी-चिंचवड शहरात प्रवेश करणाऱ्या सर्वच मार्गांवर पोलिसांनी बॅरिकेड लावले आहेत. काही ठिकाणी कसून चौकशी सुरू होती. वाहनचालकांकडील परवाने तपासले जात होते, तर काही ठिकाणी फक्त बॅरिकेड लावलेले होते. आळंदी-पुणे रस्त्यावर चोविसावाडी चऱ्होली व आळंदी-देहू रस्त्यावर डुडुळगाव येथे दिघी पोलिसांनी बॅरिकेड लावलेले आहेत. पुणे-नाशिक, पुणे-मुंबई व मुंबई- बंगळुरू महामार्गावर (देहूरोड-कात्रज बाह्यवळण मार्ग) वाहतूक तुरळक होती. शहराच्या अंतर्गत भागातील निगडी-भोसरी स्पाइन रस्ता, निगडी-भोसरी टेल्को रस्ता, भोसरी-वाकड-हिंजवडी रस्ता, काळेवाडी फाटा-देहू आळंदी रस्ता या रस्त्यांवरही फारशी वर्दळ नव्हती. एमआयडीसीतील रस्तेही सुनेसुने होते. 

पिंपरी-चिंचवडच्या बातम्या वाचण्यासाठी येथे ► क्लिक करा

पुण्याच्या बातम्या वाचण्यासाठी येथे ► क्लिक करा

आकुर्डी रेल्वेस्टेशन जवळील चौकात निगडी पोलिसांनी तपासणी नाका उभारला होता. विनापरवाना वाहनचालकांवर खटले दाखल करण्यात आले. तर, परवाना आहे परंतु, दुचाकीवर दोन जण, मोटारीत दोनपेक्षा अधिक प्रवासी असणाऱ्यांवर कारवाई करण्यात आली. याच ठिकाणी महापालिकेच्या आरोग्य विभागाचे कर्मचारीही नियुक्तीस होते. मास्क नसणाऱ्या वाहनचालकांकडून पाचशे रुपये व थुंकताना आढळल्यास दीडशे रुपये दंड वसूल केला जात होता. असेच चित्र वाल्हेकरवाडी, चापेकर चौक चिंचवड, पिंपरी-चिंचवड लिंक रस्ता, पिंपळे सौदागर, विशालनगर, वाकड, सांगवी फाटा, भोसरी या ठिकाणीही असेच चित्र बघायला मिळाले.