पिंपरी : दहावी आणि बारावी परीक्षांच्या निकालानंतर विविध प्रकारचे दाखले घेण्यासाठी गर्दी होणार आहे. ही गर्दी लक्षात घेता कोरोना संसर्गाला आळा घालण्यासाठी अप्पर तहसीलदार पिंपरी-चिंचवड कार्यालयाने घरबसल्या ऑनलाइन दाखले देण्याची व्यवस्था केली आहे. नागरिकांनी 'आपले सरकार' या वेबसाईटवर माहिती आणि कागदपत्रे सादर केल्यानंतर ई-मेल आयडीवर डिजिटल स्वाक्षरीयुक्त दाखले मिळणार असल्याचे तहसीलदार गीता गायकवाड यांनी सांगितले आहे.

हे वाचा- पिंपरी-चिंचवडकरांनो, आखाड साजरा करता येणार; कारण लॉकडाउन...

हे वाचा- पिंपरी-चिंचवडकरांनो, उद्या सायंकाळी सहापर्यंत दुकाने खुली राहणार; मात्र...

विद्यार्थांनी प्रामुख्याने उत्पन्नाचे प्रमाणपत्र, वय अधिवास व राष्ट्रीयत्व प्रमाणपत्र, आर्थिकदृष्ट्या दुर्बल घटकांसाठी प्रमाणपत्र, नॉन क्रिमीलेअर प्रमाणपत्र आणि जात प्रमाणपत्र काढण्यासाठी तहसील कार्यालय, महा ई सेवा केंद्र येथे मोठ्या प्रमाणात गर्दी करण्याची गरज नाही. नागरिकांनी आपले सरकार https://aaplesarkar.mahaonline.gov.in/en या वेबसाईटवर माहिती आणि कागदपत्रे सादर केल्यानंतर ई-मेल आयडीवर दाखले मिळणार आहेत. पुणे जिल्ह्यात प्रथमच अप्पर तहसीलदार पिंपरी-चिंचवड कार्यालयामार्फत वेबसाईट https://apparpcmc2020.blogspot.com/2020/07/blog-post.html?m=1 सुरू करण्यात आली आहे.

हे वाचा- बालभारतीच्या पुस्तकातील 'तो' उल्लेख बरोबर, कोण म्हणालं वाचा...

'आपले सरकार' https://aaplesarkar.mahaonline.gov.in/en या वेबसाईटवर कशाप्रकारे अर्ज दाखल करावा, यासाठी व्हिडिओ लिंक दिली आहे. नागरिकांना प्रमाणपत्रासाठी लागणाऱ्या कागदपत्रांची यादी तसेच, महा-ई सेवा केंद्र आणि नागरी सुविधा केंद्र आकुर्डी यांचे मोबाईल नंबर देण्यात आलेले आहेत. नागरिकांना 'आपले सरकार' या पोर्टलवर अर्ज भरण्यास अडचण येत असेल, तर त्या नागरिकांसाठी पिंपरी-चिंचवड हद्दीतील महा-ई सेवा केंद्र आणि नागरी सुविधा केंद्र आकुर्डी यांचे मोबाईल नंबर देण्यात आलेले आहेत. नागरिकांनी घराजवळील महा-ई सेवा केंद्र अथवा नागरिक सुविधा केंद्रांना संपर्क साधून आवश्‍यक कागदपत्रे जमा करावीत. अधिक माहितीसाठी या क्रमांकावर 020-27642233 संपर्क करावा.

Edited by : Shivnandan Baviskar