पिंपरी : लॉकडाउनमुळे गेल्या दीड महिन्यापासून बंद असलेले मोशीतील उपप्रादेशिक परिवहन कार्यालय सोमवारी (ता. 18) सुरू झाले आहे. मात्र, पहिल्याच दिवशी या कार्यालयासमोर वाहने नव्हती, ना गर्दी होती. एरव्ही गजबजलेले आरटीओ कार्यालय परिसरात शुकशुकाट होता. दहा टक्के कर्मचाऱ्यांच्या उपस्थितीतच कामाला सुरुवात केल्याचे चित्र पाहायला मिळाले.
पिंपरी-चिंचवड शहरातील मोशीतील उपप्रादेशिक परिवहन कार्यालय मार्च महिन्यापासून बंद आहे. परिणामी नागरिकांची आरसी, नवीन नोंदणी, अशी बरीच कामे रखडलेली होती. राज्य सरकारच्या सूचनांनुसार आरटीओ कार्यालयाचे कामकाज काहीअंशी सुरू केले आहे. सध्या कार्यालयात 10 टक्के कर्मचारी उपस्थित होते. नव्या मार्गदर्शक सूचनांनुसार वितरकांनी विक्री केलेल्या वाहनांची तपासणी करण्यासाठी मोटार वाहन निरीक्षक तिथे जाऊन नवीन वाहनांची नोंदणी सुरू केली आहे.
पिंपरी चिंचवडच्या बातम्या वाचण्यासाठी येथे ► क्लिक करा
वाहन चालकांना ऑनलाइन पसंती क्रमांकाची सुविधा उपलब्ध केली आहे. आज सकाळपासून कोणीही नोंदणी केलेली नाही. शुल्काची ऑनलाइन सुविधाही सुरू आहे, मात्र कागदपत्र जमा करण्यासाठी प्रत्यक्षात येण्याची आवश्‍यकता आहे. नवीन परवाना, नूतनीकरण, वाहन हस्तांतरण आदी सेवा देण्यात येतील. कंटेन्मेंट झोनमधील नवीन वाहनांची नोंदणी होणार नसल्याचे उपप्रादेशिक अधिकारी विनोद सगरे यांनी सांगितले.
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.