पिंपरी Coronavirus : पिंपरी-चिंचवड शहरातील पश्चिमेकडील महत्त्वाचे उपनगर म्हणजे वाकड. उद्योगनगरी पिंपरी चिंचवड आणि आयटी सिटी हिंजवडीला जोडणारा दुवा. पण, आज हा दुवा वेगळ्याच कारणाने चर्चेत आला आहे. तो म्हणजे सध्या सर्वांच्या तोंडी असलेल्या एका शब्दाने. तो शब्द म्हणजे कोरोना. होय, कोरोना. एकट्या वाकड परिसरात आजपर्यंत ३२ जणांना कोरोना संसर्ग झालेला आहे. 

ताज्या बातम्यांसाठी डाऊनलोड करा ई-सकाळचे ऍप     

वाकड मधील कावेरीनगर परिसरात कोरोनाचा पहिला रुग्ण आढळला. आता ही संख्या ३२ झाली आहे. यातील सतरा जण बरे होऊन घरी गेले आहेत. सध्या पंधरा जणांवर उपचार सुरू आहेत. दरम्यान, पिंपरी चिंचवड महापालिकेच्या वायसीएम व भोसरी रुग्णालयांत उपचार घेऊन बरे झालेले 37 रुग्ण आज दिवसभरात बरे होऊन घरी गेले. 

हेही वाचा- पिंपरी-चिंचवडमध्ये सलग दुसऱ्या दिवशी रुग्ण संख्येत वाढ, तर 37 जणांना डिस्चार्ज 

पिंपरी चिंचवडच्या बातम्या वाचण्यासाठी येथे ► क्लिक करा

कोरोनाचा कहर सुरूच आहे. अकरा मार्च रोजी शहरातील पहिला रुग्ण आढळला होता. सध्या रुग्ण संख्या सहाशे ७८ पर्यंत पोचली आहे.  गेल्या काही दिवसांपासून रुग्ण संख्येत झपाट्याने वाढ होत आहे. त्यामुळे सार्वजनिक ठिकाणी मास्क वापरणे सक्तीचे असून आयुक्तांनी दंडात्मक कारवाई सुरू केली आहे. 

हेही वाचा- पिंपरी-चिंचवडकरांनो आपण अजूनही सुरक्षित नाही; कोरोनाबाबत पालिका आयुक्तांचे सूतोवाच

पुण्याच्या बातम्या वाचण्यासाठी येथे ► क्लिक करा 

मास्क नसल्यास 200 रुपये दंड

सार्वजनिक ठिकाणी मास्कचा वापर न करणाऱ्या नागरिकांवर पिंपरी-चिंचवड महापालिका 500 रुपये दंडाची कारवाई केली जात आहे. आयुक्त श्रावण हर्डीकर यांच्या आदेशानुसार ही कारवाई सुरू आहे. मात्र, दंडाची रक्कम जास्त असल्याने स्थायी समिती सभेने दंडाची रक्कम 500 ऐवजी 200 रुपये आकारावी, असा ठराव मंजूर केला. त्यामुळे आता मास्क न वापरल्यास 200 रुपये दंड आकारण्यात येणार आहे.