तळेगाव स्टेशन : शनिवारी (ता. २०) कोरोनाचे निदान झालेल्या तळेगाव परिसरातील दोन रुग्णांच्या संपर्कातील दहा जणांचे स्वॅब तपासणीसाठी पाठविण्यात आले होते. पैकी तळेगावातील महिलेचा मुलगा व नात तसेच, वराळे येथील तरुणाची पत्नी अशा तिघांचे कोविड -१९ चाचणी अहवाल रविवारी (ता. २१) पॉझिटिव्ह आले आहेत.

ताज्या बातम्यांसाठी डाऊनलोड करा ई-सकाळचे ऍप   
                    
तळेगाव दाभाडे येथील शनिवारी (ता. २०) आढळलेल्या कोरोनाबाधित महिलेच्या जवळच्या संपर्कातील आठ जणांचे स्वॅब तपासणीसाठी पाठविण्यात आले होते. पैकी सदर महिलेचा ३३ वर्षीय मुलगा आणि साडेचार वर्षांच्या नातीचा तपासणी अहवाल पॉझिटिव्ह आला आहे.

पिंपरी चिंचवडच्या बातम्या वाचण्यासाठी येथे ► क्लिक करा

पुण्यातील औंध ग्रामीण रुग्णालयात उपचार घेत असलेल्या वराळे येथील कोरोनाबाधित पुरुषाच्या जवळच्या संपर्कातील त्याची पत्नी आणि भाऊ यांचे स्वॅब तपासणीसाठी पाठविण्यात आले होते. पैकी ३५ वर्षीय पत्नीचा कोविड-१९ तपासणी अहवाल रविवारी (ता. २१) पॉझिटिव्ह आला आहे. तर भावाचा अहवाल निगेटीव्ह आला आहे. या सर्वांवर सुगीपश्चात संशोधन केंद्रातील कोविड केअर सेंटरमध्ये उपचार चालू असल्याची माहिती तळेगाव प्राथमीक आरोग्य केंद्राचे वैद्यकीय अधिकारी डॉ. प्रवीण कानडे यांनी दिली. संबंधित रुग्णांच्या रहिवासाचा परिसर शनिवारी प्रतिबंधीत क्षेत्र घोषित करण्यात आल्याचे तळेगावचे मुख्याधिकारी दिपक झिंजाड यांनी सांगितले.

पुण्याच्या बातम्या वाचण्यासाठी येथे ► क्लिक करा         

गेल्या दोन दिवसांत तळेगाव परिसरात एकूण पाच कोरोनाबाधित रुग्ण सापडले असून, तळेगाव दाभाडे नगरपरिषद हद्दीतील आजपर्यंतच्या रुग्णांची संख्या १६ वर पोहोचली आहे. पैकी बरे झालेल्या दोघांना घरी सोडण्यात आले आहे. आजपावेतो मावळात सापडलेल्या एकूण ५३ रुग्णांपैकी जवळपास एक तृतीयांश रुग्ण एकट्या तळेगावात सापडले आहेत.