कर्मचाऱ्यांचे
ठिय्या आंदोलन

नृसिंहवाडी ः येथील ग्रामपंचायत कर्मचाऱ्‍यांनी किमान वेतन वाढ आणि विशेष भत्ता लागू होण्यासाठी त्यांनी संपावर जात ठिय्या आंदोलनास आजपासून सुरुवात केली आहे. वेतनवाढ लागू होत नाही, तोपर्यंत आंदोलन सुरू ठेवणार असल्याचा इशारा ग्रामपंचायत युनियनचे अध्यक्ष दीपक मिटके यांनी दिला आहे. विठ्ठल मंदिरासमोर आज ठिय्या आंदोलन केले. कर्मचाऱ्यांना शासन निर्णयानुसार वेतनवाढ लागू करावी अन्यथा आंदोलन तीव्र करण्यात येईल, असा इशारा युनियनचे अध्यक्ष दीपक मिटके, उपाध्यक्ष दत्तात्रय चव्हाण यांनी दिला. आंदोलनात माजी उपसरपंच अभिजित जगदाळे, सागर धनवडे, अविनाश भोसले, स्वाती विभूते, बाळासो साळुंखे, सागर बाहुलेकर, परमानंद सुंकी आदी सहभागी झाले होते.