बेबडओहोळ, ता. ५ : मावळ तालुक्यात माजी राज्यमंत्री बाळा भेगडे यांच्या वाढदिवसाचे औचित्य साधून प्रधानमंत्री आवास योजने अंतर्गत १ हजार ३९८ घरकुल योजनेचा भूमिपूजन सोहळा शिवाजीनगरचे आमदार सिद्धार्थ शिरोळे यांच्या हस्ते शिवणे येथे पार पडला. आमची जनतेशी बांधिलकी असून दिलेला शब्द पूर्ण करू, असे प्रतिपादन माजी राज्यमंत्री भेगडे यांनी केले.
शिवणे येथे आयोजित कार्यक्रमाला भाजपचे जिल्हाध्यक्ष गणेश भेगडे, तालुकाध्यक्ष रवींद्र भेगडे, सभापती ज्योती शिंदे, माजी सभापती एकनाथ टिळे, ज्येष्ठ नेते माऊली शिंदे, माजी सभापती ज्ञानेश्वर दळवी, बाळासाहेब घोटकुले, राजाराम शिंदे, निवृत्ती शेटे, दत्तात्रेय शेवाळे, जिजाबाई पोटफोडे, नगरसेवक मोरेश्वर शेडगे, ॲड. रवींद्र दाभाडे, जिल्हा परिषद सदस्य नितीन मराठे, अलका धानिवले, शिवाजी टाकवे, शिवाजी पवार, गुलाबराव म्हाळसकर, शांताराम कदम, प्रशांत ढोरे, सायली बोत्रे, सुवर्णा कुंभार, कल्याणी ठाकर, संदीप काकडे, किरण राक्षे, सुनील चव्हाण, मच्छिंद्र केदारी, कुलदीप बोडके आदी उपस्थित होते. धनंजय टिळे यांनी स्वागत केले. यादव सोरटे यांनी आभार मानले. बाळासाहेब घोटकुले यांनी संयोजन केले.