पिंपरी, ता. २३ : चिंचवड देवस्थान ट्रस्ट व नादब्रम्ह परिवार द्वारा आयोजित संकष्टी चतुर्थी निमित्त संगीत सभा झाली. त्यामध्ये डॉ. रवींद्र घांगुर्डे यांचे शास्त्रीय गायन झाले. मारुती पवन यांच्या तमीळ रचना सादर झाल्या. पहिली रचना ‘विक्षे करा देवा’ ही राज आनंदी भैरवी रागातील तर दुसरी वेदाद्री शिखरा नरसिंह ही होती. गायनाचा प्रारंभ पुरिया कल्याण रागाने केला. ‘काहें सोच विचार करे मन...’ ही विलंबित एक तालातील बंदिश गात विविध रंगाची स्वर बरसात केली.
जोड बंदिश ‘आली री मोरा मन हार लीनो’ ही मितालातील बंदिश होती. त्यानंतर ‘कौन गली गयो शाम’ ही दुसरी पेश केली. पाठोपाठ खमाज रागातील खुमासदार रंगतीने रसिकमने तृप्त केली. त्यांना समर्पक संवादिनी साथ उपेंद्र सहस्रबुद्धे, तसेच तबला साथ विघ्नहरी देव यांनी दिली. शेवटी सर्वांशी ‘सुंदरु कासे पितांबर’ हे भक्तिगीत व नाम घ्या हो मोरयाचे हे गाऊन सभा समाप्त झाली. त्यांना स्वर साथ दर्शन कुलकर्णी व टाळसाथ दूर्वांकुर कुलकर्णी यांनी केली.