पिंपरी, ता. १ : टँकरच्या धडकेत दोन वर्षीय बालकाचा मृत्यू झाल्याची घटना चिखलीतील जाधववाडी येथे घडली. याप्रकरणी पोलिसांनी ट्रक चालकाला ताब्यात घेतले आहे. मोहंमद शमसुद्दीन अदनान (रा. ऐश्वर्यम हमारा सोसायटी, जाधववाडी, चिखली) असे या अपघातात मृत्यू झालेल्या बालकाचे नाव आहे. शुक्रवारी (ता. ३१) दुपारी दीडच्या सुमारास मोहंमद याचे आई-वडील कामानिमित्त बाहेर गेले होते. मोहमंद त्याच्या आजीसह असताना छोटी सायकल खेळत होता. अचानक आलेल्या टँकरने सायकलसह मोहमंदला धडक दिली. यामध्ये गंभीर जखमी झाल्याने त्याचा मृत्यू झाला. याप्रकरणी चिखली पोलिस ठाण्यात गुन्हा दाखल आहे.