पिंपरी, ता. ४ : व्हिडिओ गेम मशीनवरील आकड्यावर पैसे लावून जुगार सुरू असलेल्या, गेम पार्लरवर पिंपरी-चिंचवड पोलिसांच्या सामाजिक सुरक्षा पथकाने छापा टाकला. यामध्ये दोघांवर गुन्हा दाखल झाला आहे.
व्हिडिओ गेम चालक गणेश बालाजी धनेराव (वय २६, रा. गणेशनगर, एकता कॉलनी, वाकड) , जुगार खेळणारा समीर दामोदर मानकर (वय ३८, रा. सुदर्शन कॉलनी, कैलासनगर, थेरगाव) अशी गुन्हा दाखल झालेल्यांची नावे आहेत. डांगे चौकातील वाकड रोड येथील भोईर इस्टेट येथे रॉयल व्हिडिओ गेम पार्लरमध्ये अवैधरीत्या गिऱ्हाईकांना मास्टर, मेगा फ्री प्ले, विन या व्हिडिओ गेम मशीनवरील आकड्यावर पैसे लावण्यास सांगून जुगार खेळवत असल्याची माहिती पोलिसांना मिळाली. त्यानुसार पोलिसांना छापा टाकून चार हजार ६०० रुपयांची रोकड व पन्नास हजार रुपये किमतीच्या पाच व्हिडिओ गेम मशिन जप्त केल्या. याप्रकरणी वाकड पोलिस ठाण्यात गुन्हा दाखल असून पोलिस अधिक तपास करीत आहेत.