पिंपरी, ता. ५ ः ज्ञानज्योती सावित्रीबाई फुले यांच्या जयंतीनिमित्त मराठा सेवा संघ, संभाजी ब्रिग्रेड व जिजाऊ बिग्रेड या संघटनांच्या वतीने त्यांच्या पुतळ्यास अभिवादन करण्यात आले.
यावेळी “जिजाऊ - सावित्री : सन्मान महाराष्ट्राच्या लेकींचा’’ हा उपक्रम शाळा, कॉलेजमध्ये सुरू केल्याबद्दल शासनाचे आभार मानण्यात आले. सावित्रीबाई फुले यांच्या पुतळा परिसरात मशाल उत्सवाचे आयोजन करण्यात आले. यावेळी मराठा सेवा संघ जिल्हा अध्यक्ष राजू डुबल, कार्याध्यक्ष रघुवीर तुपे, शहर अध्यक्ष अॅड. लक्ष्मण रानवडे, मराठा सेवा संघ उद्योग कक्षाचे राष्ट्रीय अध्यक्ष शिवश्री प्रकाश जाधव, जिजाऊ बिग्रेड प्रदेश अध्यक्षा माधुरी भदाणे, जिल्हा अध्यक्षा सुनीता शिंदे, शीतल घरत, शालन घाटुळ, रत्नमाला खराडे, माणिक शिंदे, स्मिता मस्कर, संभाजी ब्रिग्रेड प्रदेश संघटक संतोष शिंदे, जिल्हा अध्यक्ष उत्तम कामटे, मराठा सेवा संघ शहर सचिव सचिन दाभाडे आदी पदाधिकारी उपस्थित होते.