शहरातील मोकळे भूखंड
स्वच्छ करण्याचे आदेश
पिंपरी, ता. ७ ः शहरातील रस्त्यांच्या कडेला, मोकळ्या जागांवर काही नागरिक, संस्था, कंपन्यांकडून कचरा टाकला जात असल्याचे आढळून आले आहे. शहरातील सर्व मोकळे प्लॉट्स व भूखंडांवर असलेला राडारोडा, कचरा उचलून परिसर स्वच्छ करण्याचा आदेश संबंधितांना दिला आहे. या पुढे उघड्यावर कचरा टाकणाऱ्या व्यक्ती व आस्थापनांवर पाचशे रुपये आणि मोठ्या प्रमाणात कचरा टाकल्यास पाच हजार ते २५ हजार रुपये दंडात्मक कारवाई केली जाईल. मोकळे भूखंड स्वच्छ ठेवण्याची जबाबदारी जागा मालकांची असेल. कचरा व अस्वच्छता आढळल्यास जागा मालकांवरही दंडात्मक कारवाई केली जाईल, असा इशारा महापालिका आयुक्त राजेश पाटील यांनी दिला आहे.
--