पिंपरी, ता. ७ ः कोरोना संसर्ग झालेले एक हजार नवीन रुग्ण शुक्रवारी (ता. ७) शहरात आढळले. आतापर्यंत दोन लाख ८२ हजार ३२९ जणांना कोरोना संसर्ग झाला आहे. आज २७ जणांना डिस्चार्ज देण्यात आला. आजपर्यंत दोन लाख ७५ हजार ३९८ जण बरे झाले असून चार हजार ५२६ जणांचा मृत्यू झाला आहे. सध्या ३२६ जणांवर रुग्णालयांत उपचार सुरू आहेत. दोन हजार ८०९ जण गृहविलगीकरणात आहेत. एकूण तीन हजार १३५ सक्रिय रुग्ण आहेत. आजपर्यंत ३० लाख ४० हजार ८२२ जणांना कोरोना प्रतिबंधक लस दिली आहे. आज एक हजार २१२ घरांतील तीन हजार ९१४ नागरिकांची तपासणी केली. सध्या ६४ मेजर व ३२४ मायक्रो कंटेन्मेंट झोन आहेत.
--