पिंपरी, ता. १० ः शालेय स्पर्धा परीक्षा समुपदेशक शिरीष पडवळ लिखित ‘मास्तरचं पोर’ या आत्मकथनपर पुस्तकाचे प्रकाशन महाराष्ट्र साहित्य परिषदेचे पिंपरी-चिंचवड शाखाध्यक्ष राजन लाखे यांच्या हस्ते झाले. कीर्तनकार किसनमहाराज चौधरी अध्यक्षस्थानी होते. यावेळी लेखक श्रीकांत चौगुले, निखिल लंभाते आदी उपस्थित होते. रूपाली अवचरे यांनी प्रास्ताविक केले. आयुष्याच्या पुस्तकाचे पहिले पान म्हणजे जन्म आणि शेवटचे पान म्हणजे मृत्यू आहे. या पानांवर आपण काहीही लिहू शकत नाही; पण, मधल्या पानांवर जीवनाचे सुंदर रंग भरू शकतो, असे विचार चौधरी महाराज यांनी मांडले. प्रदीप गांधलीकर यांनी सूत्रसंचालन केले. अमोल नवलपुरे यांनी आभार मानले.