सोमाटणे, ता. ८ ः रोपवाटिका व्यावसायासाठी तुषार सिंचनातून पाणी बचतीचा यशस्वी प्रयोग, शेतकरी सोमनाथ मुऱ्हे यांनी केला आहे. रोपवाटीकेतील रोपांना दररोज भरपूर पाणी द्यावे लागते. पाणी देताना त्यातील पन्नास टक्के पाणी वाहून वाया जाते. वाहून जाणाऱ्या पाण्याच्या बचतीसाठी रोपवाटिका व्यावसायीक मुऱ्हे यांनी विशेष उपक्रम सुरू केला.
या उपक्रमानुसार त्यांनी आपल्या रोपवाटिकेत तुषार सिंचनाचा प्रयोग केला. प्रयोगामुळे रोपांना पाणी देताना वाया जाणारे पाणी वाचले असून, पाण्याबरोबर रोपांना आवश्यक प्रमाणात सेंद्रिय खताचाही पुरेपुर वापर करता आला. तुषार सिंचनामुळे रोपांना आवश्यक तेवढेच पाणी देता येत असल्याने, रोपांची वाढही नेहमीपेक्षा लवकर होते. तसेच पाण्याचा हा अपव्यय टाळण्यासाठी तुषार सिंचन हा योग्य पर्याय असल्याचेही त्यांनी सांगितले. या उपक्रमामुळे सध्या त्यांच्या रोपवाटीकेतील झाडे कमी काळात चांगली वाढली असून विक्रीला आली आहे.
Media Id: PNE22S33998