यंग बझ लोगो वापरणे
एनआयइ कडून

सिटी प्राईड शाळेला शिष्यवृत्ती परीक्षेत घवघवीत यश

पिंपरी, ता. १३ : पूर्व उच्च प्राथमिक शिष्यवृत्ती परीक्षा (इयत्ता पाचवी) व पूर्व माध्यमिक शिष्यवृत्ती परीक्षा (इयत्ता आठवी) २०२०-२१ या कालावधीत पार पडलेल्या सिटी प्राईड निगडी शाळेतील एकूण सात विद्यार्थी शिष्यवृत्ती स्पर्धा परीक्षेत सीबीएसईच्या गुणवत्ता यादीत झळकले.

या यशस्वी विद्यार्थ्यांना शिक्षिका अमिता पंडित यांनी मोलाचे मार्गदर्शन केले होते. अभिमानास्पद यशाचे साक्षीदार असणारे सर्व विद्यार्थी, पालक व मार्गदर्शक शिक्षिका अमिता पंडित यांचे मनापासून अभिनंदन केले. सिटी प्राईड स्कूलसाठी पुरस्कारांची मालिका जिंकण्याचा हा क्षण म्हणजे एक आनंदयात्राच आहे. विद्यार्थ्यांचे प्रयत्न, सातत्य, जिद्द व अमिता पंडित यांचे प्रोत्साहन ही यशाची मालिकाच आहे. पूर्वप्राथमिक उच्च प्राथमिक शिष्यवृत्ती परीक्षा (इयत्ता पाचवी) मध्ये देवांश सचिन नारके ९२ टक्के मिळवून राज्यातून दुसऱ्या क्रमांकावर, प्रणव मनोहर पाटील ९०.६ टक्के मिळवून चौथ्या क्रमांकावर, श्रुती चेतन कुरकुरे ८९.३ टक्के मिळवून सहाव्या क्रमांकावर, सुमीत श्रीकृष्णा सिंदगी ८८.६ टक्के मिळवून सातव्या क्रमांकावर, रिशिता अजित जांभेकर ८७.३ टक्के मिळवून नवव्या क्रमांकावर, वेदांत राजेश अफ्रे ८७.३ टक्के मिळवून नवव्या क्रमांकावर आहेत. पूर्व माध्यमिक शिष्यवृत्ती परीक्षा (इयत्ता आठवी) मधून सायली रविराज गायकवाड ८४ टक्के मिळवून राज्यात नवव्या क्रमांकावर आलेली आहे.
शाळेच्या संचालिका डॉ. अश्विनी कुलकर्णी, डॉ. दीपाली सवाई, प्राचार्या माया सावंत, उपप्राचार्या नेत्रे कुलकर्णी यांनी सर्व यशस्वी विद्यार्थ्यांचे, पालकांचे व मार्गदर्शक शिक्षकांचे अभिनंदन केले.