पिंपरी, ता. १४ ः महापालिकेने चिखली प्राधिकरण सेक्टर १७ व १९ मध्ये उभारलेल्या घरकूल प्रकल्पातील दोन इमारतींमधील ८४ सदनिकांची सोडत संगणकीय पद्धतीने काढण्यात आली. या इमारतींच्या नियोजित घरकूल सहकारी गृहनिर्माण संस्थांसाठी तात्पुरत्या स्वरुपात अध्यक्षांची निवड केली. त्यात सोसायटी क्रमांक १४२ इमारत क्रमांक डी-५ ते अध्यक्ष लक्ष्मण साळुंखे आणि सोसायटी क्रमांक १४३ इमारत क्रमांक बी-११ चे अध्यक्ष अजय कुलकर्णी यांचा समावेश आहे. त्यांचा सत्कार महापौर उषा ढोरे यांच्या हस्ते काढण्यात आला. प्रकल्पाची माहिती, घरांचा वापर, येणारी बिले व बॅंकेचे हप्ते वेळेवर भरण्याबाबत सहायक आयुक्त अण्णा बोदडे यांनी माहिती दिली. पक्षनेते नामदेव ढाके, अतिरिक्त आयुक्त उल्हास जगताप आदी उपस्थित होते. विष्णू भट यांनी आभार मानले.