वायसीएम रुग्णालयात गोळ्या-औषधे उपलब्ध नाहीत
महापालिकेचे यशवंतराव चव्हाण स्मृती रुग्णालयात उपचार करण्यासाठी २९ डिसेंबर २०२१ रोजी गेलो होतो. त्वचा, नेत्र, कान, मज्जातंतू वरील तीन वैद्यकीय अधिकारी यांच्याकडे उपचार घेतले. तपासणी थोडक्यात केली. केस पेपरमध्ये मेडिसिन लिहून दिले. मेडीसीन विभागात औषधे उपलब्ध नाही. त्यामुळे, आयुक्त राजेश पाटील यांच्याकडे तक्रार अर्ज ३ जानेवारी सावित्री बाई फुले जयंती दिनी दाखल करण्यात आला आहे. तसेच रुग्णालयात उपचारासाठी जाताना पीएमपी, प्रवासी बस, रिक्षाची सोय अपुरी ठरत आहे. ज्यांच्याकडे स्वतःचे वाहन नाही अशा सर्व गरीब कामगार, मजूर, ज्येष्ठ नागरिकांचे हाल होत आहेत. त्यामुळे पीएमपी विभागाने वायसीएम रुग्णालया पर्यंत बस सेवा सुरू करावी. त्याप्रमाणेच पोलिस आयुक्तालयात रिक्षा मीटर बाबत तक्रार केली आहे. अद्यापपर्यंत उत्तर मिळाले नाही.
- विजय निकाळजे, आकुर्डी