पिंपरी, ता.१३ ः जागतिक सूर्यनमस्कार दिनानिमित्त अलाईट जिम्नॅस्टिक ॲण्ड फिटनेस ॲकॅडमीच्यावतीने सूर्य नमस्कार करण्याचा संकल्प केला. ता. १ ते १२ जानेवारीपर्यंत सर्व विद्यार्थी व पालकांनी १३ सूर्य नमस्कार करून प्रत्येकी १०१ सूर्यनमस्कार घालून संकल्प पूर्ण केला.
या कार्यक्रमाच्या उद्घाटन प्रसंगी प्रमुख पाहुणे बजरंग गडदे ( बिल्डर व्यवसाय ) अतुल इनामदार ( उद्योजक ) दत्तात्रेय जानराव ( सीनियर एक्साइज ऑफिसर ) विजय शिनकर ( भाजप मंडल प्रमुख ) मंगेश जोशी व अलाईट जिम्नॅस्टिक ॲण्ड फिटनेस ॲकॅडमीचे अध्यक्ष मनोज काळे उपस्थित होते. यावेळी १४ मुलींनी अंदाजे १८० योगासनांचे प्रात्यक्षिक सादर केले तसेच खेलो इंडिया स्पर्धेत निवड झालेल्या विद्यार्थ्यांनी जिम्नास्टिकचा प्रात्यक्षिके सादर केले. या सूर्यनमस्काराचा दिनचा कार्यक्रम ॲकॅडमीच्या मोनिका काळे, लक्ष्मण नाईक, हिमांशू चौगुले, संदीप पाटील, अनंत सामंत, परेशा आरे व महिला वर्ग यांनी कोरोनाचे नियम पाळून कार्यक्रम यशस्वी करण्यासाठी हातभार लावला. सूत्रसंचालन प्रिया जोशी व चैतन्य जोशी यांनी केले.