मार्च २०२० पासून शहराला कोरोनाने पछाडले आहे. गेल्या महिन्याच्या पहिल्या पंधरवड्यात कोरोना संसर्गाचे रुग्ण अधिक प्रमाणात आढळत होते.
पिंपरी - गेल्या महिन्यात कोरोना संसर्गाचे (Coroan Infection) प्रमाण वाढले होते. त्यामुळे महापालिकेच्या (Municipal) सर्वच तपासणी केंद्रांवर गर्दी असायची. सर्दी, खोकला, ताप अशी लक्षणे असलेल्या १२ हजारांवर नागरिकांची दिवसाला तपासणी (Cheaking) केली जात होती. पॉझिटिव्हिटी (Positivity Rate) २० ते २५ टक्क्यांवर गेली होती. हे चित्र आता बदलले आहे. दिवसाला तपासणीसाठी येणाऱ्या नागरिकांची संख्या सहा हजारांपर्यंत खाली आली असून, पॉझिटिव्हिटी पाच टक्क्यांपेक्षा कमी झाली आहे. शहरासाठी ही बाब दिलासादायक आहे.
मार्च २०२० पासून शहराला कोरोनाने पछाडले आहे. गेल्या महिन्याच्या पहिल्या पंधरवड्यात कोरोना संसर्गाचे रुग्ण अधिक प्रमाणात आढळत होते. त्यातील काहींना ओमिक्रॉन संसर्ग झाल्याचेही आढळले. शिवाय, थंडी, ऊन व पाऊस अशा मिश्र हवामानामुळे सर्दी, खोकला, ताप, घसा खवखवणे असा त्रास असलेल्या रुग्णांची संख्याही वाढली होती. त्यामुळे महापालिकेने तपासणीचे प्रमाण वाढवून २४ केंद्रांवर सोय केली. त्या ठिकाणी ॲंटिजेन आणि आरटीपीसीआर टेस्ट केली जात आहे. मात्र, फेब्रुवारीच्या दुसऱ्या सप्ताहापासून संसर्गाचे प्रमाण कमी झालेले दिसते. पॉझिटिव्हिटीचे प्रमाणही कमी झालेले आहे.
तपासणी केंद्र
आकुर्डीतील कुटे हॉस्पिटल, जुने आकुर्डी रुग्णालय, आरटीटीसी सेंटर शाहूनगर, साई अंब्रेला संभाजीनगर दवाखाना, यमुनानगर रुग्णालय, म्हेत्रेवस्ती दवाखाना, रुपीनगर दवाखाना, तळवडे दवाखाना, चिंचवडमधील जुने तालेरा रुग्णालय, ओजस हॉस्पिटल पुनावळे, भोंडवे कॉर्नर रावेत, गावडे पेट्रोल पंप चिंचवड, पिंपरीतील जुने व नवीन जिजामाता रुग्णालय, पिंपळे सौदागर दवाखाना, कर्मवीर भाऊराव पाटील शाळा पिंपरी वाघेरे, खिंवसरा पाटील रुग्णालय थेरगाव, नवीन थेरगाव रुग्णालय, इंदिरा गांधी प्रसूतिगृह जुनी सांगवी व बॅडमिंटन हॉल काटेपूरम चौक पिंपळे गुरव, जुने भोसरी रुग्णालय, मोशी दवाखाना, वायसीएम रुग्णालय, खराळवाडी दवाखाना यांचा समावेश आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.