पिंपरी - शहरात मंगळवारी कोरोनाबाधित (Corona Affected) ३५० रुग्ण आढळले. शिवाय, ओमीक्रॉनची (Omicron) लागण एका ज्येष्ठ नागरिकाला झाल्याचे स्पष्ट झाले. कोरोना रुग्णांची संख्या झपाट्याने वाढल्याने चिंतेत भर पडली आहे. ओमीक्रॉनच्या ७१ रुग्णांपैकी ५५ रुग्णांची दहाव्या दिवशी तपासणी करण्यात आली. त्यांचा अहवाल निगेटीव्ह आला असून त्यांना गृहविलगीकरणात ठेवले आहे.

परदेशातून आलेल्या १ हजार ७०१ नागरिकांची तपासणी केली. त्यापैकी १५९७ अहवाल प्राप्त झाले आहेत. त्यातील ४३ जण आत्तापर्यंत पॉझिटिव्ह आढळले आहेत. संपर्कातील २८ जण सकारात्मक आहेत. परदेशातून आलेले ओमीक्रॉनचे रुग्ण १४ आहेत. आत्तापर्यंत सर्वसामान्य तपासणीतून ९ जण ओमीक्रॉन झालेले सापडले आहेत.