भोगीच्या भाज्या तेजीत

गाजर, वाटाणा, व काळ्या-पांढऱ्या घेवड्याला मागणी वाढली

पिंपरी, ता. ९ : पाच दिवसांवर संक्रांत आली आहे. संक्रांतीमुळे बाजारात तेजी आली आहे. भोगीच्या भाजीला लागणाऱ्या भाज्यांचे भाव तेजीत आहेत. त्यातही गाजर, वाटाणा, व काळ्या-पांढऱ्या घेवड्याला मागणी वाढली आहे. त्यामुळे घेवडा, वांगी, राजमा आणि गाजराला संक्रांतीच्या मुहूर्तावर चांगलीच मागणी वाढल्याचे मंडईतील व्यापाऱ्यांनी सांगितले.
फळभाज्यांमध्ये गवार, टोमॅटो भाव वधारले आहेत. शेवग्याची आवक कमी झाल्याने शेवगा प्रतिकिलो २५० रुपयांनी विकला गेला आहे. तर,
पिंपरीतील लालबहादूर शास्त्री भाजी मंडईत रविवारी सकाळी गर्दी जास्त होती. त्यामुळे व्यापारी चिंतेत होते. राज्य शासनाने कडक निर्बंध लागू केले आहेत. जमावबंदी व संचारबंदीही लागू करण्यात आली आहे. परंतु, भाजी खरेदीसाठी पिंपरी मंडईत नागरिकांची झुंबड उडाली होती. मंडईतील किरकोळ भाजी विक्रेत्यांना लॉकडाउनची भीती सतावत असल्याचे दिसून आले.

फळभाज्यांचे किलोचे भाव
कांदा : २५-३०, बटाटा : २०-२२, लसूण : ८०-१००,भेंडी : ८०-९०, गवार : १२०-१४०, गवार :१४०-१५०, टोमॅटो : ६०, दोडका : ७५-८०, हिरवी मिरची : ६०, कोल्हापुरी मिरची : ७०-८०, ढोबळी मिरची : ६०-७०, दुधी भोपळा : ४०, लाल भोपळा: २५-३०, काकडी : ३०, कारले : ५०-६०, पडवळ : ५०, परवर : ७०, फ्लॉवर : ६०, कोबी : ४०, वांगी : १००, शेवगा :२२०-२५०, गाजर : ५०, दिल्ली गाजर : ६०, बिन्स : ६०, राजमा : ६०, घोसाळी : ५०, सुरण : ५०, वाल : ६०, आवळा : ५०-६०, तोंडली : ६०,चवळई : १५-२०

पालेभाज्याचे भाव :
कोथिंबीर : १०, मेथी : २०, शेपू : १०-१५, कांदापात : १०, चाकवत : १५, करडई : १०, पुदिना : १०, मुळा- १५, लाल मुळा : २०, पालक १५