वडगाव शेरीत वारकरी साहित्य परिषद मेळावा
पुणे, ता. २४ ः वडगाव शेरी येथील दक्षिणमुखी मंदिरामध्ये वारकरी साहित्य परिषदेचा स्नेहमेळावा हभप विठ्ठलमहाराज पाटील यांच्या मार्गदर्शनाखाली उत्साहात पार पडला.

मेळाव्यामध्ये वडगावशेरी परिसरातील १२ महिला भजनी मंडळे, सर्व कार्यकारिणी सदस्यांसह ११० महिला वारकरी सहभागी झाल्या होत्या. हभप रामदासमहाराज कुटे महाराज, आनंदरावमहाराज कदम, हभप प्रशांतमहाराज मोरे, हभप प्रदीपमहाराज पलांडे, लक्ष्मणमहाराज घुले यांनी उपस्थितांना मार्गदर्शन केले. याप्रसंगी वडगाव शेरीचे माजी सरपंच हभप  भिकोबा गलांडे पाटील, नयना बेलवलकर, अमृता पठारे, माजी नगरसेविका श्वेता गलांडे पाटील उपस्थित होते. माजी नगरसेवक योगेश मुळीक यांनी स्वागत केले. स्नेहमेळाव्याचे आयोजन हभप गोदावरी काळे यांनी केले होते. मेळावा यशस्वी करण्यासाठी शोभा गलांडे, विद्या गलांडे, श्यामल ढवळे, विजया पाटील, स्वाती भोसुरे, वंदना पठारे, नीता चौधरी, स्मिता मंडलिक, मोहिनी घुमे, वंदना ढेरे, सारिका घोणे, सुनंदा हरगुडे, सुमन पाबळे आदींनी परीश्रम घेतले.
--------------------------------------