पिंपरी - शहरातील विविध केंद्रावरील लसीकरण (Vaccination) कामकाजाची बुधवारी (ता. ५) साप्ताहिक सुट्टी आहे. त्यामुळे १५ ते १८ या वयोगटातील किशोरवयीन मुलांना कोविडचा (Covid) पहिला डोस (Dose) महापालिकेच्या (Municipal) आठ लसीकरण केंद्रावर गुरुवारी (ता. ६) आणि शुक्रवारी (ता.७) मिळणार आहे. प्रतिदिवशी लसीकरण केंद्रांवर या प्रभागवार पद्धतीने ‘कोव्हॅक्सिन’ लसीचे (Covaxin Vaccine) डोस प्रतिदिन ७७५० प्रमाणे देण्यात येणार आहेत.

लसीचा कोटा कोविन ॲपव्दारे ऑनलाइन स्लॉट बुकिंग पद्धतीने ५० टक्के लाभार्थी, ऑन द स्पॉट रजिस्ट्रेशन इन कोविन ॲप पद्धतीने ५० टक्के लाभार्थी असा असणार आहे. वय १८ वर्ष व त्यावरील वयोगटासाठी कोविडचा पहिला व दुसरा डोस हा पहिल्या डोसनंतर १२ ते १६ आठवड्यांच्या दरम्यान म्हणजे ८४ दिवसानंतर ते ११२ दिवसापर्यंतच्या लाभार्थ्यांना अ, ब, क, ड, इ, फ, ग, ह या प्रभागवार पद्धतीने ‘कोव्हिशिल्ड’ लसीचे डोसेस गुरुवारी (ता. ६), शुक्रवारी (ता. ७) असे एकूण दोन दिवस प्रतिदिवशी ४६ लसीकरण केंद्रांवर प्रतिदिन २३००० प्रमाणे कोविड लस देण्यात येणार आहेत.

लसीचा कोटा कोविन ॲपव्दारे ऑनलाइन स्लॉट बुकिंग पद्धतीने ५० टक्के लाभार्थी, ऑन द स्पॉट रजिस्ट्रेशन इन कोविन ॲप पद्धतीने ५० टक्के लाभार्थी या पद्धतीने असणार आहे. (पिं. चि. मनपा वार्डनिहाय केंद्रीय KIOSK टोकनप्रणाली नोंदणी लाभार्थींना प्राधान्य राहील.) बुधवारी (ता. ५) रोजी लसीकरण कामकाजाची साप्ताहिक सुट्टी आहे. त्यामुळे महापालिकेची सर्व लसीकरण केंद्रे बंद राहतील, असे पालिकेने पत्रकाद्वारे कळविले आहे.